ცოტა ხნის წინ გავრცელდა ინფორმაციები, რომ თანამედროვე ტექნიკის მწარმოებელი კომპანია Apple საკუთარი ავტომობილის გამოშვებას გეგმავდა, მაგრამ 2016 წლის დეკემბერში კომპანიამ უპილოტო ავტომობილების აღსაჭურვად საჭირო ტექნოლოგიის გამოგონებაზე მუშაობა ოფიციალურად დაადასტურა და განაცხადა, რომ თავად კომპანია ავტომანქანის გამოშვებას არ გეგმავს.
Apple-ის ავტოპილოტის პროგრამას Project Titan დაარქვეს. ინტერნეტსივრცეში გავრცელდა ვიდეო, სადაც თანამედროვე უპილოტო სისტემით აღჭურვილი ავტომანქანა საავტომობილო გზაზე მოძრაობს.
სისტემის დასატესტად Apple-მა ავტომობილი Lexus SUV RX აირჩია. მანქანის სახურავზე განათავსეს 12 რადარი, რომელიც ეხმარება ავტოპილოტს შეისწავლოს გარემო და არსებული მდგომარეობა შეატყობინოს სპეციალურ პროგრამას სახელწოდებით TechCrunch.
ჯერ-ჯერობით უცნობია, ჩაუშვებს თუ არა გაყიდვაში Apple ამ მოწყობილობას, თუმცა ფაქტია, რომ მსგავსი მოწყობილობა ნებისმიერ ავტომობილს ავტოპილოტის სისტემის დამონტაჟებაში ეხმარება.