კომპანია Huawei-მ ახალი ფლაგმანური მოდელები - Mate 10 და Mate 10 Pro წარმოადგინა, რომელსაც მთელი მსოფლიო დიდი ხნის განმავლობაში ელოდა. სმარტფონი გამოირჩევა ხელოვნური ინტელექტის მაღალი დონით.

„ჩვენ ტექნოლოგიის ახალ ეპოქაში შევდივართ, რომლის ერთ-ერთი მთავარი მახასიათებელი ხელოვნური ინტელექტია, რომელიც ჩვენს წინაშე ახალ შესაძლებლობებს გადაშლის, გააუმჯობესებს მომხმარებლის გამოცდილებას, წარმოაჩენს მომსახურების ახალ ხარისხს და წესრიგში მოიყვანს ტექნოლოგიის მუშაობას - განაცხადა Huawei Consumer Business Group-ის გენერალურმა დირექტორმა რიჩარდ იუმ - Huawei Mate 10 -ის სერია ხელოვნური ინტელექტის მხარდაჭერით წარმოგვიდგენს პირველ ახალ ნეირონულ პროცესორს და ინტელექტუალური სმარტფონების ეპოქაში გადაგვიყვანს.“

Mate 10 და Mate 10 Pro-ს მთავარი პლიუსი მისი პროცესორია - Kirin 970, რომელსაც ავტომატური სწავლების ცალკე გამოყოფილი სისტემა აქვს. ახალი სმარტოფნების მეორე მთავარი ღირსება კი მის ორმაგ კამერაში მდგომარეობს - 20 მეგაპიქსელიანი მონოქრონული და 12 მეგაპიქსელიანი ფერადი სენსორები.

კომპანია Huawei-ის წარმომადგენლებმა განაცხადეს, რომ ფლაგმანურ სმარტფონებს შორის Mate 10 და Mate 10 Pro-ში გამოიყენება ყველაზე ტევადი აკუმულატორი. გაჯეტების ხელოვნური ინტელექტი გამუდმებით აანალიზებს სმარტფონის შიგნით მიმდინარე პროცესებს როგორც ზედაპირზე, ასევე მის მიღმა იმისთვის, რომ უზრუნველყოს მუდმივი დამოუკიდებელი მუშაობა. ამას გარდა, აპარატებს აქვთ სწრაფი დატენვის სისტემა SuperCharge, რომელიც მომხმარებელს საშუალებას აძლევს ტელეფონი დატენოს მხოლოდ 20 წუთის განმავლობაში და გამოიყენის ის მთელი დღე.