2017 წლის პირველი ნახევრის ყველაზე გაყიდვად სმარტფონად iPhone 7 დასახელდა.
რეიტინგში მეორე ადგილზე iPhone 7 Plus-ია. ამასთან ცნობილი გახდა, რომ Apple-ის მიერ წარმოებული სმარტფონები ბაზარზე გამოჩენის დღიდან პირველ ადგილს არც ერთ ბრენდს არ უთმობს.
მესამე ადგილს კი Samsung Galaxy Grand Prime Plus იკავებს - 12,7 სანტიმეტრიანი სმარტფონი 960×540 პიქსელით, რომლის საბაზრო ღირებულება 130 დოლარია. ყველაზე გაყიდვად ხუთეულში iPhone 6s და Samsung Galaxy S8 შევიდნენ.
ანალიტიკოსები აღნიშნავენ, რომ Apple-ის და Samsung-ის მოდელები 2017 წლის პირველ ნახევარში აქტიურად არ იყიდებოდა - მიუხედავად იმისა, რომ სწორედ ამ ორი ბრენდის პროდუქციამ დაიკავა ყველაზე გაყიდვად სმარტფონებში პირველი 5 ადგილი, iPhone 7-მა და iPhone 7 Plus-მა თავიანთი წინამორბედების iPhone 6s-სა და 6s Plus-ის რეკორდის მოხსნა მაინც ვერ მოახერხეს. საინტერესოა ისიც, რომ იგივე მოხდა Samsung Galaxy S8-სა და Galaxy S7-ის შემთხვევაშიც.
„ამის მთავარი გამომწვევი მიზეზი არის ის, რომ Samsung-მა თავისი ახალი პროდუქტის Galaxy S8+ და S8-ის გაყიდვა დაიწყო აპრილის თვეში, ანუ ერთი თვით გვიან ვიდრე გასულ წელს S7 სერია გამოჩნდებოდა ბაზარზე. Galaxy S8 Plus ამჟამად მერვე ადგილს იკავებს, განსხვავებით S7 Edge-სა, რომელმაც 2016 წელს იგივე რეიტინგში მეოთხე ადგილი დაიკავა.“ - განაცხადა IHS Markit-ის დირექტორის მოადგილემ ჯასი ჰონგმა.
საბოლოოდ ათეულში Samsung-ის ხუთი, Apple-ის ოთხი და იაპონური ბრენდის Oppo-ს ერთი სმარტფონი შევიდა.