ყველას სურს, რომ გაკრგად გამოიყურებოდეს, თუმცა ბევრი გარეგნობაზე ზრუნვისთვის ვერ იცლის - გადატვირთული გრაფიკი ხშირად ხელს გვიშლის ვიაროთ სპორტ დარბაზებში, იოგაზე, ცურვაზე, ან უბრალოდ ვირბინოთ დილაობით. თუმცა თანამედროვე პირობებში ეს პრობლემა მოგვარებადია, რადგან ჩვენი სმარტფონები ჩვენი მწვრთნელის ფუნქციასაც შეითავსებს.
1. Charity Miles
ეს პროგრამა ერთ-ერთი ყველაზე დიდი მოტივატორია იმისთვის, რომ დაკავდეთ სპორტით - ამ პროგრამის საშუალებით სირბილის ან ველოსიპედით სეირნობის დროს შეიძლება საქველმოქმედო ფონდებისთვის ფული გამოიმუშავოთ. ამისთვის კი საკმარისია მხოლოდ ჩართოთ პროგრამა და გახვიდეთ სარბენად - ერთ მილზე თქვენ 25 ცენტს მიიღებთ, ველოსიპედით სეირნობისას კი 10 ცენტს.
2. Peer Pressure
ეს პროგრამა თქვენი სოციალური ქსელისა და ელექტრონული ფოსტის საშუალებით შექმნის თქვენს მხარდამჭერთა ჯგუფს. ეს დამატებითი სტიმული იქნება იმისთვის, რომ ფინიშამდე მიხვიდეთ.
3. Fleetly
პროგრამა თქვენს გარბენს ითვლის და გთავაზობთ ახალ სავარჯიშოებს. ღირსეული შედეგის მიღწევისას კი თქვენ ვირტუალურ ოქროს მედალსა და სხვადასხვა პრიზს მიიღებთ.
4. Nike Training Club
ამ პროგრამის დახმარებით თქვენ ახალ ეფექტურ სავარჯიშოებს მიიღებთ ნებისმიერ დროს და ნებისმიერ ადგილას. ვარჯიშების ხანგრძლივობა 30-45 წუთია. საკმარისია მხოლოდ მიუთითოთ თქვენთვის სასურველი ვარჯიშის მხოლოდ დონე და თქვენი ფიზიკური მომზადება.
5. Lose It!
თუ თქვენ ზედმეტი წონის მოცილება გსურთ ყველაზე ეფექტური გზა კალორიების კონტროლი და ვარჯიშია ერთდროულად. ეს პროგრამა მარტივ არითმეტიკას გთავაზობთ: თუ თქვენ ბევრ კალორიას წვავთ, რა თქმა უნდა, თქვენი წონა დაიკლებს.
ვარჯიშის დაწყებამდე აუცილებელია მიუთითოთ თქვენი სიმაღლე, წონა, ასაკი და იმ კილოგრამების რაოდენობა, რომლის მოშორებაც გსურთ. შემდეგ პროგრამა ითვლის თქვენს ნორმა კალორიებს და გეტყვით რამდენი კალორიის დაწვაა აუცლებელი იმისთვის, რომ სასრუველ შედეგს მიაღწიოთ.
6. Calorie Counter&Diet Tracker
გსურთ წონაში მალე დაიკლოთ? ეს პროგრამა სწორედ ამისთვის არის შექმნილი. პროგრამის დახმარებით სგიძლიათ შეადგინოთ კვების ცხრილი და აარჩიოთ თქვენთვის სასურველი ვარჯიშები, გამოაქვეყნოთ ინფორმაცია თქვენი წარმატების შესახებ და გაუზიაროთ თქვენი შედეგები სოციალური ქსელების მეგობრებს.
7. Runno
თამაშის წესები მდოგმარეობს შემდეგში: უნდა დაიპყროთ რაც შეიძლება მეტი ტერიტორიები თქვენს რაიონში, შექმნათ ვირტუალური სამეფო და დაიცვათ ის მტრებისგან. თქვენს „სამეფოზე“ კონტროლს კი თქვენი გარბენის საშუალებით დაამყარებთ.
8. Nexercise
თუ ვირტუალურ მედლებსა და გულშემატკივრების არმიას არ შეუძლია თქვენი წამოყენება სკამიდან, ფინანსური საჩუქრები ნამდვილად ჩაგაყენებთ ფორმაში. Nexericise - ეს არის თამაში აპლიკაცია, რომელიც დაგასაჩუქრებთ სასაჩუქრე ბარათებით და სერტიფიკატებით ნებისმიერ ფიზიკურ აქტივობაზე, იქნება ეს სირბილი თუ სახლის დალაგება მტვერსასრუტით.
9. Zombies, Run!
ხანდახან სწრაფად და დიდხანს სირბილისთვის საჭიროა ვინმემ ან რამემ შეგაშინოთ. პროგრამა Zombies, Run! სწორედ თქვენს შესაშინებლადაა შექმნილი - ის ისეთ ხმებს უშვებს თითქოს ზომბების მთელი ჯარი მოგყვებოდეთ.
10. Obstacles XRT – Extreme Reality Training
ეს პროგრამა შეგიქმნით დაბრკოლებებს, რომელიც უნდა დაძლიოთ თუმცა ამისთვის სახლის დატოვება საერთოდ არ დაგჭირდებათ. თამაშიშთვის კი სპეციალური აღჭურვილობა სულაც არ არის საჭირო. პროგრამა ასევე განახებთ კალორიების რაოდენობას, რომლისგანაც გათავისუფლდებით „ვარჯიშის“ შემდეგ.