APPLE-მა ახალი აიფონის გამოშვების დროდ სექტემბრის შუა რიცხვები დაანონსა, რომელიც უფრო ფართოდ ოქტომბერსა და ნოემბერში გავრცელდება. იმ ბავშვების მსგავსად, რომლებიც ახალ წელს ნაძვის ხის ქვეშ საჩუქრებს ელიან, ანალიტიკოსები ახალი აიფონის გამოსვლას და მისი საიდუმლოებები გამხელას ჩქარობენ. ერთ-ერთი ასეთი "მოუთმენელი" სტივენ ტროუტონ სმიტი აღმოჩნდა, რომელმაც iPhone 8-ს მთავარი საიდუმლო გაამხილა. ახალ მოდელზე Home-ის ღილაკი ვირტუალური იქნება: სხვადასხვა აპლიკაციაში ის ზომას შეიცვლის, ვიდეოს ყურებისას ან თამაშისას კი საერთოდ გაქრება. მის ორ მხარეს კი სხვადასხვა დავალების შესასრულებელი კლავიშები გაჩნდება. შესაბამისად, გამოსახულება აიფონ 7-ის 4.7 დუიმიდან 5.8 დუიმი გახდება.