Tesla Model 3-ს პრემიერიდან რამდენიმე თვის შემდეგ, როგორც იქნა ახალი მოდელის ელექტრომანქანა სერიულ წარმოებაში ჩაეშვა. ილონ მასკმა პრეზენტაციაზე ახალი მოდელი წარადგინა, რომლის დიზაინიც საკუთარი უნიკალურობით ახალი ნაბიჯია ავტოინდუსტრიაში.
კომპანია Tesla-მ დანაპირები შეასრულა და საზოგადოებას უახლესი ტიპის ავტომობილი წარუდგინა, რომელიც საბოლოოდ ჩაუშვა გაყიდვაში. Tesla Model 3 წარმოადგენს სრულიად ახალი ტექნოლოგიებითა და დიზაინით შექმნილ ელექტრონულ ავტომობილს, რომელიც კომპანიის დირექტორისა და ნიჭიერი გამომგონებლის, ელონ მასკის დიდი ხნის ოცნებას წარმოადგენდა. 35 000 დოლარად შეფასებულ ავტომობილს გასაღებიც კი არ აქვს, მისი მართვა თქვენ მობილური აპლიკაციის საშუალებით შეგეძლებათ.
ელონ მასკმა პრეზენტაციაზე პირველი 30 მოდელი წარმოადგინა, რომელთა შეძენაც იმ ადამიანებს შეეძლებათ, რომლებმაც რამდენიმე თვის წინ წინასწარი შეკვეთის სახით კომპანიას 1000$ ჩაურიცხეს.
