Louis Vuitton-მა ახალი, პირველი ჭკვიანი საათი სახელწოდებით Tambour Horizon გამოუშვა. ახალი საათი Android-ის სისტემით მუშაობს, თუმცა Louis Vuitton-ის პროდუქტს iPhone-ის პროგრამითაც შეუძლია მუშაობა. საათის მფლობელი მისი მეშვეობით იღებს ინფორმაციას არამარტო ზარებზე და მოკლე ტექსტურ შეტყობინებებზე, არამედ გარშემო მყოფ და მისთვის საინტერესო ადამიანებზეც. ასევე Tambour Horizon მფლობელი არასდროს დააგვიანებს თვითმფრინავზე, რადგან მის სისტემაში ჩაწერილი პროგრამა - My Flight, შეახსენებს მას დაგეგმილ რეისსა და აეროპორტში მიმდინარე ყველა შესაძლო ცვლილებებზე.
Louis Vuitton-მა ტექნიკა კიდევ უფრო მოდური გახადა და საკუთარ მომხმარებელს საშუალება მისცა იყოს კიდევ უფრო თანამედროვე და ელეგანტური. Tambour Horizon-ის შეძენის მსურველებს არჩევანის გაკეთება სამ ძირითად კორპუსსა და 60 სამაჯურს შორის უწევთ. ჭკვიანი საათის ფასი 2500 დოლარიდან იწყება, დამატებითი სამაჯურის ფასი კი 300 დოლარია.
