მობილური ფოტოგრაფია ვითარდება, ახალ მწვერვალებს იპყრობს და იხვეწება.
ფოტოების გადაღება აღარავის უკვირს, რადგან სმარტფონების განვითარებამ ადამიანებს საშუალება მისცა, რომ ყოველი წუთი და წამი დააფიქსიროს სურვილისამებრ და აღბეჭდოს კადრად.
ფოტოების გადაღება კი კარგია, მაგრამ კარგი ფოტოების გადაღებას ცოდნა უნდა. ცოდნის გასაღრმავებლად კი მივაკითხეთ ფოტოგრაფ ბილი ბილიხოძეს და ვთხოვეთ ჩვენთვის გაენდო ის 10 ხრიკი, რომლითაც თვითონ სარგებლობს მობილური ფოტოგრაფიის დროს.
1. არ იხმაროთ ავტომატური გადაღების რეჟიმი, თუ მობილურ ტელეფონს აქვს ხელით მართვის რეჟიმი და ფუნქციები მიუთეთ თქვენით.
2. ფოკუსი აუცილებლად მიუთითეთ იმ ობიექტზე, რომელიც გინდათ რომ იყოს მკვეთრი.
3. გადაღების წინ ფოკუსის მითითების დროს ექსპოზიცია გაასწორეთ ხელით.
4. არ გამოიყენოთ განათება (ფლეში) კარგი იქნება თუ გამოიყენებთ ბუნებრივი განათების წყაროებს.
5. არ გამოიყენოთ ზუმი, რადგან ციფრული ზუმი აფუჭებს ფოტოს ხარისხს, უმჯობესია მიუახლოვდეთ ობიექტს და ისე გადაიღოთ.
6. ეცადეთ მზეს მოარიდოთ კამერა რადგან ფოტოზე სხივები აუცილებლად დატოვებენ არტეფაქტებს. (flare)
7. დაბალი განათების პირობებში ყოველთვის თან იქონიეთ შტატივი ან გაამაგრეთ ტელეფონი მყარ ზედაპირზე ისე რომ ფოტოს გადაღებისას არ იმოძრაოს.
8. გადაიღეთ სხვადასხვა რაკურსებით, ფოტოები უფრო საინტერესო და უცხო გამოვა.
9. მინიმალურად დაამუშავეთ ფოტოები სხვადასხვა აპლიკაციებში, ეცადეთ სასურველი შედეგი ბუნებრივად მიიღოთ, არ გამოიყენოთ ფილტრები.
10. დაარღვიეთ ყველა წესი და ბევრი ექსპერიმენტები აკეთეთ, ფოტოგრაფიაში მთავარი თქვენი სტილის მიგნება.