2014 წელს გამოჩენილი Apple City საქართველოს ბაზარზე დიდი პოპულარობით სარგებლობს და მომხმარებლებს მუდმივ სიახლეებს სთავაზობს. უპირველესად, მათი წარმატების საიდუმლო ხარისხია, რასაც ისინი წლების განმავლობაში არ კარგავენ. Apple City-მ საზოგადოების ნდობა და სიყვარული მალევე მოიპოვა. ვრცლად კომპანიის გეგმების შესახებ, OK!-ის საზოგადოებასთან ურთიერთობის მენეჯერი
ანა დათაშვილი ესაუბრა.

მოკლედ მოგვიყევით კომპანიის შესახებ.
კომპანია Apple City ქართულ ბაზარზე 2014 წელს გამოჩნდა. დანერგილი ინოვაციური მომსახურებით, ტექნიკის მაღალი ხარისხითა და ყველასთვის ხელმისაწვდომი ფასებით, კომპანიამ მალევე მოიპოვა საზოგადოების ნდობა და რაც მთავარია – სიყვარული. ამჟამად Apple City თბილისის გარდა ბათუმშიც ფუნქციონირებს. უახლოეს მომავალში კიდევ რამდენიმე ფილიალი გაიხსნება თბილისსა და ბათუმში.

რა სიახლეები გაქვთ?
გარდა იმისა, რომ Apple City-ის მომხმარებლები სარგებლობენ საქართველოში ყველაზე ხანგრძლივი – 1.5 წლიანი საგარანტიო პირობებით, მათ ვთავაზობთ ჩვენთან შეძენილი ტექნიკის დაზღვევას, რაც ითვალისწინებს ნებისმიერი ფიზიკური ზიანის ანაზღაურებას უფასოდ. ჩვენ მუდმივად ვცდილობთ ყველასთვის ხელმისაწვდომი გავხადოთ Apple-ის ტექნიკა, ამიტომ პარტნიორ ბანკებთან ერთად, გავამარტივეთ განვადების პირობები. Apple City-ში განვადება უპროცენტოა, წინასწარი შენატანის გარეშე, 24 თვემდე ვადით. გარდა ამისა, Apple City მომხმარებელს აქსესუარების ყველაზე ფართო ასორტიმენტს სთავაზობს გარანტიით, და რა თქმა უნდა, ფასდაკლებით. გარდა აქსესუარებისა, გვაქვს პროგრამული პაკეტების მრავალფეროვანი არჩევანი, რომელიც მორგებულია ნებისმიერი ასაკისა და ინტერესის მქონე ადამიანზე.

როგორ ინარჩუნებთ ხარისხს და ლიდერობას ბაზარზე?
კომპანია ყოველთვის დიდი გამოწვევების წინაშე დგას, ამიტომ წამითაც არ შეიძლება მოდუნება. გვეამაყება, რომ ხალხი გვენდობა. თითოეული ჩვენი სტუმარი მალევე გვიმეგობრდება. სიახლეების დანერგვა, ფასდაკლებები და მომხმარებლისთვის შექმნილი სანდო გარემო – ეს ის მცირედია, რაც ლიდერებად გვტოვებს ბაზარზე.

რითი გამოირჩევით კონკურენტი კომპანიებისგან?
ალბათ ბევრი მიზეზის ჩამოთვლა შეიძლება, რაც კონკურენტი კომპანიებისგან გამოგვარჩევს, თუმცა მხოლოდ რამდენიმე მნიშვნელოვან ფაქტორს დავასახელებთ: მომსახურების ხარისხი, საგარანტიო პირობები, დაზღვევა და საინტერესო აქციები.

დაბადების დღის შესახებ გვიამბეთ.
Apple City უკვე სამი წლის იუბილეს აღნიშნავს. ამ დღესასწაულთან დაკავშირებით, ჩვენი კომპანიის სტუმრებს არასოდეს ვტოვებთ ხელცარიელს. არც ეს წელია გამონაკლისი. გარდა ტექნიკაზე, აქსესუარებსა და ჩვენს ყველა მომსახურებაზე დაწყებული დაუჯერებელი ფასდაკლებებისა, ჩვენი მომხმარებლებისთვის საინტერესო საჩუქრებიც გვაქვს.

როგორია თქვენი სამომავლო გეგმები?
სამომავლოდ ბევრ საინტერესო სიახლეს ვპირდებით საზოგადოებას. სამწუხაროდ, დეტალებს ვერ გაგიმხელთ – სიურპრიზად დავტოვებთ, მაგრამ როგორც ზემოთ ვთქვით, ძალიან მალე არსებულ ფილიალებს კიდევ რამდენიმე ახალი ფილიალი დაემატება თბილისსა და ბათუმში. ასევე დაინერგება ინდივიდუალური მომსახურების სისტემა და თანამედროვე ტექნოლოგიით აღჭურვილი სერვისცენტრი, სადაც ყველანაირი ტექნიკური თუ პროგრამული პრობლემა მოგვარდება. ფასდაკლებებითა და საინტერესო აქციებით კი, ჩვენს მომხმარებელს ყოველთვის გავახარებთ.