Google-მა ქრომბუქის ახალი თაობის ნოუთბუქი Pixelbook გამოუშვა. პროდუქტის დასახელებიდან გაქრა Chrome და მისი ადგილი ბრენდმა Pixel დაიკავა, რომელიც კომპანიის ეტალონური სმარტფონების დასახელებასთან არის დაკავშირებული.

ალუმინის კორპუსი 10,2 მილიმეტრიანი სიგანით გამოირჩევა, ეკრანის დიაგონალი 12,3 სანტიმეტრია, ნოუთბუქი კი მხოლოდ 1,1 კილოგრამს იწონის. კლავიატურის მიუხედავად ნოუთბუქი ძალიან მარტივი სატარებელია, ის ასევე მოსახერხებელია მუშაობისას - შესაძლებელია კლავიატურის დამალვა და მხოლოდ ეკრანის გამოყენება პლანშეტის მსგავსად. მიუხედავად იმისა, რომ მსგავსი პლანშეტები ადრეც არსებობდა, Pixelbook განსაკუთრებული კომფორტულობით გამოირჩევა.

ნოუთბუქს 16 გეგაბაიტი ოპერატიული მეხსერება და 512 გეგაბაიტის მოცულობის SSD აქვს. სენსორული ეკრანი Gorilla Glass-ის შუშით არის დაცული, Google-ის ახალ პროდუქტს უხმო, განათებული კლავიატურა აქვს, რომელიც მსუბუქ შეხებაზე რეაგირებს. დატენვის შემდეგ ბატარეა 10 საათის განმავლობაში მუშაობს, ამასთან ის 8-ჯერ უფრო სწრაფად იტენება, ვიდრე სხვა ნოუთბუქები. მას ასევე ჩამონტაჟებული აქვს 720 მეგაპიქსელიანი ვებ-კამერა.

Pixelbook-ში სხვადასხვა აპლიკაციებისა და პროგრამების ჩამოტვირთვა Google Play და Google Assistant საშუალებითაა შესაძლებელი, ეს უკანასკნელი ხმოვან ბრძანებებზე რეაგირებს. ბრძანების გაუმჯობესებისთვის პროგრამა 4 მიკროფონს იყენებს.

Google Pixelbook-ის მინიმალური ღირებულება 1000 დოლარია, რაც უფრო უკეთესია მონაცემები, მით უფრო დიდია ფასი. მისი შეძენა ამერიკაში, კანადაში და ინგლისშია შესაძლებელი.