Sony–მ მისი რობოტი ძაღლი - აიბო განაახლა, რომელსაც მხიარულება მთელი ოჯახისთვის მოაქვს.
მას ადამიანებთან ემოციების გამოხატვაც შეუძლია და თავის სიყვარულს მზრუნველ მეპატრონეს უჩვენებს.
მაღალტექნოლოგიური მოწყობილობების წყალობით, აიბო ძალიან ბუნებრივად გადაადგილდება.
რაც შეეხება თვალებს, მასში ჩამონტაჟებულია OLED – სპეციფიკური დიოდური ნათება, რომელიც რობოტს საშუალებას აძლევს, სხვადასხვა ხასიათი გამოხატოს, მისი ემოციები კუდისა და ყურების მოძრაობითაც აღიქმება.
სპეციალისტი რეი ვონგი მისი შეფასებისას ამბობს: ,,აიბო შესანიშნავი გამოგონებაა, რომელიც მოვლა–პატრონობის საზრუნავს თავიდან გაცილებს და მხოლოდ მისით დატკბობა შეიძლება. საჭირო არაა გაასეირნო, საკვები მიართვა, ერთადერთი რამ, რაც მას სჭირდება ბატარიების დატენვაა“.
აიბო გარემოს იაზრებს, სმარტ სენსორების დახმარებით ის ხმებსა და ვიზუალს აანალიზებს.
აქვს სპიკერი და 4 მიკროფონი. ის იაზრებს შექების სიტყვებს და აღიქვამს თქვენს ღიმილს. აიბოს თქვენი მოფერებისა და სითბოს დაბრუნებაც შეუძლია.
მისი ბატარია 2 საათს უძლებს და დატენვისთვის 3 საათი სჭირდება.
აიბო Sony–ის მაღაზიაში იანვრიდან გაყიდვაში იქნება, თუმცა მხოლოდ იაპონიაში. მისი ფასი დაახლოებით 1,730$–ია.