კომპანია Samsung-ის მარკეტინგულმა განყოფილებამ ახალი ვიდეოკლიპი გადაიღო, სადაც ხაზი გაუსვა iPhone-ის მომხმარებლების ბრმა დამოკიდებულებას ბრენდის მიმართ და ამასთან თავისი საფირმო პროდუქცია დაარეკლამა. ნამუშევარი ერთდროულად სახალისო და დამაფიქრებელია.
მოკლემეტრაჟიანი ვიდეო iPhone-ის და Galaxy-ს მომხმარებლების ათწლიან პერიოდს ადარებს. iPhone-ის მომხმარებელი ითმენდა ყველაფერს, რათა ჰქონოდა მსოფლიოში ყველაზე ტრენდული სმარტფონი. თუმცა iPhone-ის მომხმარებლის მოთმინების ფიალაც არ აღმოჩნდა უძირო და რეკლამის ბოლოს თვალებახელილი გმირი Apple-ის პროდუქტზე უარს ამბობს და მას Galaxy Note 8-ით ანაცვლებს. მამაკაცი დემონსტრაციულად ჩაუვლის გვერდს უახლესი iPhone-ის შეძენის მსურველთა რიგს და ამაყად აგრძელებს გზას.
