კალიფორნიაში წლის ერთ-ერთი ყველაზე მნიშვნელოვანი მუსიკალური ფესტივალი მიმდინარეობს. დამსწრე საზოგადოება ბოჰემურ სამოსს ირგებს და ვარცხნილობის კუთხით ექსპერიმენტებს მიმართავს. წარმოგიდგენთ 5 მთავარ ტენდეციას, რომელიც ამ გაზაფხულზე განსაკუთრებით მოდური და აქტუალურია.

#1 ნაწნავები

მრავალი წვრილი ნაწნავი აფრიკულ სტილში, შეკრული ან თავისუფლად ჩამოშვებული - გოგონების სილამაზის ძირითადი ელემენტია. შენიშნულია როგორც სიმეტრიული, ისე ქაოსური ნაწნავები.

#2 ნაწილობრივად შეკრული

ეს ტრენდი რამდენიმე წელია რაც ყურადღების ცენტრშია. ის ბუნებრივ იერს გძენთ და სახეს უფრო მეტად აჩენს. მსგავსი ვარცხნილობა განსაკუთრებით უხდება ბოჰემურ სტილს.

#3 ტალღები

შემდეგი ტრენდი სპეციალურად გაკეთებული ტალღოვანი თმა და სანაპიროს სტილის ხვეული ვარცხნილობაა. მის გაკეთებას სულ რამდენიმე წუთი სჭირდება და მაქსიმალურად ბუნებრივია.

#4 მორთულობა თმისთვის

გოგონებმა არამხოლოდ აქტუალური ვარცხნილობები მოირგეს, არამედ თმა ეფექტური აქსესუარებითაც მორთეს.

#5 პასტელური გამა

პასტელური ფერები გარდერობიდან ვარცხნილობის ტრენდებში მოხვდნენ. ატმისფრად, ღია ცისფრად და ღია მწვანე ტონალობად შეღებილი თმა ამ ზაფხულის ჰიტი იქნება.