დღეს ლეგენდარული დიზაინერი, იტალიური მოდის დედოფალი დონატელა ვერსაჩე 65 წლის გახდა. ადამიანი, რომელმაც საკუთარი ძმის, მოდის ლეგენდის ჯანი ვერსაჩეს ტრაგიკული გარდაცვალების შემდეგ მისი საქმიანობა პატიოსნად გააგრძელა და ბრენდს უამრავი წარმატება მოუტანა. ლეგენდარული მედუზა, ცნობილი გორგონი, არის მზერა, რომელიც ყოველთვის ვერსაჩესთან ასოცირდება და არასდროს დაგვავიწყდება. დონატელამ კარიერის მანძილზე მაყურებელს არაერთი დაუვიწყარი კოლექცია წარუდგინა, მისი ძმის შემოქმედება არ დაივიწყა და ხელოვნების, კლასიციზმის და პოპკულტურის როგორც თანამედროვე, ასევე წარსულ დეტალებზე აგებული მრავალფეროვანი სინთეზი შემოგვთავაზა.
