აგვისტო ჯერ მხოლოდ ახლა დაიწყო, შესაბამისად, ჯერ კიდევ გვაქვს დრო ზღვაზე წავიდეთ, ჭრელი სამოსით მოვიწონოთ თავი და ფერადი მაკიაჟიც გავიკეთოთ. თუმცა, ყველამ კარგად ვიცით, რომ სიცხე ყველაზე მყარ მაკიაჟსაც კი საფრთხეს უქმნის, როგორ ავარიდოთ ამ უხერხულობას თავი? ამის შესახებ გვიამბობს პენელოპა კრუსისა და შერონ სტოუნის ვიზაჟისტი პიოტრ ბლეჰა: „სიცხის დროს კანი აქტიურად გამოყოფს ცხიმს, იმისთვის რომ მაკიაჟმა დიდხანს გაძლოს, აუცილებელია საბაზო მაკიაჟის და ლოსიონების გამოყენება. არ დაგავიწყდეთ კანის დატენიანება.

ზოგიერთი ადამიანი ფიქრობს, რადგან ცხიმიანი კანი აქვს, მას დატენიანება არ სჭირდება – ეს უდიდესი შეცდომაა, მთავარია, მსუბუქი ტექსტურის მქონე დამატენიანებელი საშუალება შეარჩიოთ.

მითია ისიც, რომ სიცხეში ტონალურ საშუალებებზე უარი უნდა თქვათ, უბრალოდ, ზომიერების გრძნობა არ უნდა დაკარგოთ. სწორად დადებული ტონი კანს დაბინძურებისგან დაიცავს. აუცლებელია საზაფხულო დამცავ საშუალებებში შედიოდეს მზისგან დამცავი ფაქტორიც.

2016 წლის მთავარი ტრენდები ბუნებრიობა და ინდივიდუალობაა.

რაც შეეხება თვალებს, პიოტრი გვირჩევს, რომ წყალგამძლე ტუში, ფანქრები ან ლაინერები გამოვიყენოთ.