დღეს  ცნობილ მოდის  სახლებს საკუთარი ხელწერა და სტილი აქვთ. დეტალების წყალობით ერთმანეთისგან გარჩევა არც ისე ძნელია.

ვნახოთ, როგორი არჩევანი გააკეთეს მოდის წამყვანმა დიზაინერებმა შემოდგომა-ზამთრის კოლექციისთვის.

1. ნაჭერი

ამ სეზონზე დიზაინერები მრავალფეროვან არჩევანს გვთავაზობენ, კლასიკური და დასერილი მეტად აქტუალურია. ასევე ტყავი და გამჭირვალე სამოსი.

2. ფერები

ეს  თემა  ყველაზე  სადაო საკითხია მოდის ინდუსტრიაში. რამდენიმე  კომპანიის გარდა მკვეთრად  გამოხატული ფერების სპექტრი თითქმის არ არსებობს, თუმცა როგორც ჩვენებებიდან ვხედავთ ამ წელს ძირითადად ვარდისფერი ფერი ჭარბობს, თუმცა მათი ტონალობების მიხედვით ადვილად შეიძლება მივხვდეთ რომელი დიზაინერი დგას ტრენდული ფერის მიღმა.

3. სილუეტი

ამ შემთხვევაში დიზაინერებმა სილუეტების ფართო არჩევანი წარმოადგინეს. დაწყებული დიორის კლასიკური სტილიდან, დამთავრებული მხრებზე აქცენტირებული ზედით, რომელსაც მომავალ სეზონებზე ყველაზე მოთხოვნად ტრენდად განიხილავენ.

4. წელის  ზონა

ტანისამოსის ერთ მთლიან ვიზუალად აღქმისას ქამარი ხშირ შემთხვევაში გადამწყვეტ როლს თამაშობს. მოდის სახლების გადაწყვეტილებით წელს მათი ზომა, ფორმა და ფერები განსხვავებულია.

5 ქვედაბოლოს სიგრძე

არაფერი ისე არ გამოაშკარავებს მოდის სახლის პოლიტიკას, როგორც  ქვედაბოლოს სიგრძე და ხასიათი. სწორედ ამის მიხედვით შეგიძლიათ მაქსიმალურად კომფორტულად მოარგოთ ტანისამოსი თქვენს ხასიათს.