ალბათ დიდ ყურადღებას არ აქცევთ იმას, თუ როდის უნდა იყიდოთ ახალი ტანის დასაბანი ღრუბელი. იქნებ არც არასოდეს გიფიქრიათ, რომ ის ბაქტერიების ბუდეა. ნატურალური ტანის დასაბანი ღრუბელი 3-4 კვირიანი გამოყენების შემდეგ უნდა შეცვალოთ, რადგანაც, კვლევის თანახმად, ღრუბელს შეუძლია გადაიტანოს კანზე პოტენციურად პათოგენური ბაქტერიების სახეობები, რომლებსაც მათთვის ხელსაყრელ გარემოში მოხვედრისას ინფექციის გამოწვევა შეუძლიათ. სინთეტიკური ტანის დასაბანი ღრუბელი უფრო გამძლეა ბაქტერიების მიმართ, მისი გამოყენება 8 კვირის განმავლობაში შეგიძლიათ.