ერთ-ერთი ყველაზე მასშტაბური სამდღიანი მუსიკალური ფესტივალი Atlas Weekend, რომელიც 8 ივლისიდან 10 ივლისის ჩათვლით უკარინაში გაიმართება, ქართველ შემსრულებლებსაც უმასპინძლებს და პირველად ფესტივალის ისტორიაში მსმენელი ქართულ ჯგუფებს LOUDSPEAKERS-ს და „მგზავრებს“ მოისმენს. აღნიშნული ჯგუფის წევრებმა Facebook-ის ოფიციალურ გვერდზე გააზიარეს.

Atlas Weekend-ი უკრაინაში ერთ-ერთ ყველაზე მასშტაბურ ღონისძიებად ითვლება და მასში ყოველწლიურად მონაწილეობენ როგორც საერთაშორისოდ აღიარებული მუსიკოსები, ასევე, ადგილობრივი და დამწყები მუსიკოსებიც.

წლევანდელი Atlas Weekend-ის Line UP-ში მოხვდნენ ისეთი დონის მუსიკოსები, როგორებიც არიან: Apocalyprica // GusGus // Ivan Dorn // Boombox // Jamala // SunSay // Mgzavrebi // NNEKA // ROYAL REPUBLIC // 5’NIZZA // LOUDSPEAKERS // SIAN EVANS // KOZAK SYSTEM და სხვები.

ამ არაჩვეულებრივი LINE UP-ის პარალელურად ATLAS WEEKEND-ი უმასპინძლებს თეატრალურ და არტ პერფორმანსებს, ფესტივალის ტერიტორიაზე ასევე იქნება სპორტული აქტივობები და შეჯიბრებები, მოეწყობა შესაბამისი ზონები, სადაც ოჯახთან ერთად მოსული სტუმრები შეძლებენ დასვენებას.

ფესტივალი ღია ცის ქვეშ გაიმართება და იქნება უწყვეტი მუსიკალური პერფორმანსი დღისა და ღამის სცენებზე.