War of Animals ანუ "ცხოველთა ომი", სწორედ ასე ჰქვია სიმღერას, რომელიც ძალიან მალე Slimfat ft Giorgi chiqovani-ს სახელით გამოჩნდება. სიურეალიზმიდან და რეალიზმიდან დანახული სოციალური პრობლემები, რელიგიებს შორის ბრძოლა და ბევრი ოპტიმისტური პასაჟი. სწორედ ამ იდეის ირგვლივ გაერთინებული მუსიკოსების გადაწყვეტილებით, მუსიკალურ კლიპში ასევე ვიხილავთ „ნიჭიერის“ ყველასთვის ცნობილ მონაწილეებს - კოკას და ნინის, რომლებიც ჟესტების ენაზეც გადმოსცემენ სიმღერის შინაარსს, რათა ყველასთვის გასაგები გახდეს, ის კონკრეტული ტექსტი, რომელიც სიმღერაშია გაჟღერებული.
სიმღერა P.S RECORD Studio-ში პაატა სილაგაძის ხმის ჩამწერ სტუდიაში ჩაიწერა, ხოლო ვიდეო ეკუთვნის 2 kuel production-ს - ძმები გულაშვილების სტუდიას. კლიპის რეჟისორი თორნიკე გულაშვილი გახლავთ. ვიდეო სულ მალე იხილავს დღის სინათლეს და მისი ნახვა Slimfat-ის ოფიციალურ youtube-ის არხზე შეგეძლებათ.
