შეგახსენებთ, რომ 2020 წლის 3 ნოემბერს ამერიკის შეერთებულ შტატებში არჩევნები ჩატარდა და ჯო ბაიდენი ქვეყნის რიგით 46-ე პრეზიდენტი გახდა. ქვეყნის პირველი პირი თანამდებობას ოფიციალურად 2021 წლის 20 იანვარს დაიკავებს, შემდეგ კი მეუღლესთან და ოთხფეხა მეგობრებთან ერთად, რომელთაგან ერთ-ერთი მან ძაღლთა თავშესაფრიდან წამოიყვანა, თეთრ სახლში გაემგზავრება და პროფესიულ საქმიანობას შეუდგება. რამდენიმე საათის წინ ოფიციალური ინფორმაცია გავრცელდა, ბაიდენის ინაუგურაციას ტომ ჰენკსი გაუძღვება, ცერემონიაში კი მომღერლებიდან ჯასტინ ტიმბერლეიკი, დემი ლოვატო და ბონ ჯოვი მიიღებენ მონაწილეობას. ღონისძიება 90 წუთს გაგრძელდება და CBS, ABC, NBC, CNN და MSNBC ის პირდაპირი ეთერით გადაიცემა, დამატებითი დეტალები ჯერჯერობით უცნობია.