35 წლის მსახიობი ეშლი თისდეილი მის პირველ შვილს მეუღლისგან, 38 წლის კრისტოფერ ფრენჩისგან ელოდება. წყვილმა სოციალური ქსელის მეშვეობით გაამხილა, რომ მათ გოგონა ეყოლებათ. ფეხმძიმობის განმავლობაში ეშლი პაპარაცების ობიექტივში ხშირად არ ხვდება, თუმცა ამჯერად ის კალიფორნიაში საახალწლო შოპინგისას შენიშნეს.

ფილმ The High School Musical-ის ვარსკვლავმა არჩევანი თეთრი ფერის სამოსზე შეაჩერა. მას სპორტული შარვალი ეცა, რომელსაც ამავე ფერის, ბრენდ Pangaia-ს 117 ფუნტის ღირებულების Hoodie შეუხამა. იმიჯს ეშლიმ 1,000 დოლარის ღირებულების Gucci-ს ფეხსაცმელი და Louis Vuitton-ის ჩანთა მოარგო.