24 წლის სუპერმოდელი, ბელა ჰადიდი არაჩვეულებრივი გემოვნებით და ჩაცმის სტილით ნამდვილად გამოირჩევა. მისი პოპულარობიდან გამომდინარე ის პაპარაცების ობიექტივში საკმაოდ ხშირად ხვდება, თუმცა ფანებს მისი გამოჩენით იმედებს არასოდეს უცრუებს, რადგან ყოველთვის შესანშნავად გამოიყურება. გამონაკლისი არც უკანასკნელი შემთხვევა გამხდარა, როდესაც ის ნიუ-იორკის ქუჩებში შენიშნეს.
მოდელმა კომფორტული და ამავდროულად გემოვნებიანი სამოსი მოირგო. მას Jean Paul Gaultier-ის ლურჯი მაისური ეცვა, რომელსაც წითელი ზოლით გაფორმებული, შავი შარვალი და ნაცრისფერი კედები შავ ქუდთან და ჩანთასთან ერთად შეუხამა.