„გრინჰილი“ აზერბაიჯანული საინვესტიციო კომპანიაა, რომელიც მრავალფუნქციურ კომპლექს „გრინჰილ რეზიდენსის“ მშენებლობას საბურთალოზე, უნივერსიტეტის ქუჩა 24-ში ახორციელებს. პირველი ფაზის მშენებლობა უკვე დასრულებულია და ახლა პროფესიონალთა გუნდი მორიგ მასშტაბურ პროექტს კურირებს.
კომპანიის ხელწერას კრეატიული მიდგომა და ქალაქის განაშენიანების პრინციპების ზედმიწევნითი გათვალისწინება წარმოადგენს, რაც შენობებს განსაკუთრებულ ხიბლს სძენს. ადგილი კი, სადაც კომპლექსი მდებარეობს, მაქსიმალურად მოსახერხებელია მათთვის, ვისაც ქალაქის ცენტრში ცხოვრების პარალელურად, გადატვირთული მოძრაობისთვის თავის არიდება სურს. „გრინჰილ რეზიდენსის“ წინ საავტომობილო-სატრანსპორტო კვანძი ორი ალტერნატიული მიმართულებით გადის. ობიექტის სიახლოვეს სხვადასხვა სასწავლო დაწესებულებაა განთავსებული, კომპლექსიდან 500 მეტრში კი მეტროსადგური „უნივერსიტეტი“ მდებარეობს.
კომპანიის საკუთრებაში არსებულ 33 500 კვ.მ. მიწის ნაკვეთზე თანამედროვე მოთხოვნების შესაბამისი საცხოვრებელი, კომერციული და რეკრეაციული ზონები განთავსდება. პროექტის შესახებ მარკეტინგისა და გაყიდვების სამსახურის ხელმძღვანელი, მეგი სარიშვილი OK!-ის მკითხველს უამბობს.
რა კრიტერიუმით შეირჩა „გრინჰილ რეზიდენსისთვის“ კონკრეტული ადგილმდებარეობა?
პროექტის ადგილმდებარეობა ჩვენი ინვესტორის მიერ ერთი ნახვით შეირჩა, მისთვის მნიშვნელოვანი დეტალების გათვალისწინებით, როგორც არის ეკოლოგიურად სუფთა და ბუნებრივად გამწვანებული გარემო ქალაქის ცენტრალურ უბანში. ჩვენი პოზიციონირების ერთ-ერთი უმთავრესი პრინციპი ბაზარზე სწორედ აღნიშნული უპირატესობაა.
„გრინჰილ რეზიდენსის“ პირველი ფაზის მშენებლობა 2016 წელს დაიწყო, რომელიც დასრულებულია და მობინადრეები უკვე ცხოვრობენ.
ამჟამად მეორე ფაზის მშენებლობას ვხელმძღვანელობთ, რომელიც 2021 წლის დეკემბერში დასრულდება. სამომავლოდ, მშენებლობის დამატებით კიდევ ორ ფაზას ვგეგმავთ.
როგორ ფიქრობთ, რამ მისცა კომპანიას ნიშის დამკვიდრებისა და ნდობის მოპოვების საშუალება?
ვფიქრობ, ძალიან მოკლე დროში შევძელით თავის დამკვიდრება ბაზარზე და საკმაოდ კონკურენტუნარიანი გავხდით. ყოველივე ეს უმთავრესად ჩვენი მშენებლობის ხარისხის, მშენებლობის მოცემულ ვადებში დასრულებისა და პროექტის ლოკაციის დამსახურებაა.
რა გამოარჩევს კომპლექსს? როგორია მისი მახასიათებლები?
პროექტის ერთ-ერთი მთავარი უპირატესობა ადგილმდებარეობაა, სადაც თქვენ დაგხვდებათ ეკოლოგიურად სუფთა გარემო, რომელსაც „ვერეს ხეობისა“ და წყნეთის ჰაერი ქმნის. ტერიტორია ბუნებრივად გამწვანებულია და სარეკრეაციო ზონას 10 000 კვ. მეტრი ფართობი უჭირავს. ადგილმდებარეობიდან გამომდინარე, ტერიტორია ბუნებრივად ნიავდება, რაც ჰაერის მოძრაობას უწყობს ხელს და მობინადრეებს ზაფხულის ცხელ დღეებშიც კი უჰაერობის პრობლემა არ შეაწუხებთ. კომპლექსს გამორჩეული ხედები აქვს წყნეთსა და თბილისზე. მნიშვნელოვანია ისიც, რომ მიმდებარე ტერიტორიის რელიეფიდან გამომდინარე, კომპლექსთან ახლოს სხვა მშენებლობის დაწყება შეუძლებელია. შესაბამისად, ხედის დაფარვის საშიშროება არ არსებობს. ამ ხედებით ტკბობა კი „გრინჰილ რეზიდენსის“ მცხოვრებლებს კომპლექსისთვის დამახასიათებელი, ფართო ვიტრაჟული ფანჯრებიდან შეეძლებათ.
კომპლექსის უპირატესობებს ასევე ეკოლოგიურად სუფთა და ენერგოეფექტური სამშენებლო მასალა, 5000 მ2 გამწვანებული შიდა დაცული ეზო (რომელსაც პერსონალური მებაღე უვლის), სპორტული და საბავშვო მოედნები, ველობილიკი, საბავშვო ბაღი, სპორტულ-გამაჯანსაღებელი კომპლექსი, ღია კაფე, სატრენაჟორო დარბაზი, აუზი, სპა, საუნა, 400-მდე მანქანისთვის გათვლილი საპარკინგე ადგილი და სხვა არაერთი დეტალი წარმოადგენს, რაც მცხოვრებლებისთვის მაქსიმალური კომფორტის შესაქმნელადაა ნაფიქრი.
უსაფრთხოება კომპლექსის ძლიერი მხარეა და 24/7 რეჟიმით აქ დაცვის სამსახური მუშაობს. ასევე აქ უკვე ფუნქციონირებს მოვლა-პატრონობის სამსახური, რომელიც მომსახურების თითოეული მიმართულების სრულყოფას უზრუნველყოფს.
როგორია გადახდის უპირატესობები?
„გრინჰილ რეზიდენსში“ ბინის შესაძენად გადახდის 2 ოფცია მოქმედებს, უპროცენტო განვადება და იპოთეკური სესხი.
ბინის ღირებულება ხედისა და სართულის მიხედვით ცვალებადია, ასევე ფასი იცვლება მშენებლობის სხვადასხვა ეტაპზე და პერიოდული აქციების დროს, რომელიც მომხმარებლებს შეღავათიან პირობებს სთავაზობს.
შიდა უპროცენტო განვადების შემთხვევაში, პირველადი შენატანი ფართის ღირებულების 30%-ია, ხოლო დარჩენილი თანხა მშენებლობის დასრულებამდე უპროცენტოდ ნაწილდება.
მნიშვნელოვანია, რომ ამჟამად იპოთეკური სუბსიდირების სახელმწიფო პროგრამაში ვმონაწილეობთ, რომლის ფარგლებშიც გაჩნდა შესაძლებლობა, მომხმარებლებმა შემდეგი პირობებით ისარგებლონ: 15%-მდე ფასდაკლება, 20-წლიანი იპოთეკური სესხი, 10% პირველადი შენატანი, 4% შეღავათი იპოთეკურ სესხზე.
ბინები 60 კვ.მ.-დან, მომხმარებელთა სურვილის შესაბამისად, ბარდება ნახევრად თეთრი კარკასით ან სრული რემონტით.
პარტნიორი ბანკებია: „თიბისი ბანკი“, „საქართველოს ბანკი“, „ვითიბი ბანკი“, „პროკრედიტ ბანკი“ და „იშ ბანკი“.
ამჟამად მოქმედებს სპეციალური შეთავაზებები?
• ამჟამად სპეციალური შეთავაზება გვაქვს „თიბისი კონცეპტის” მომხმარებელთათვის. აღნიშნულით მოსარგებლეებს შესაძლებლობა აქვთ ბინის შეძენისას 15% ფასდაკლებით ისარგებლონ და სრული ღირებულების 30% მშენებლობის დასრულებამდე გადაანაწილონ.
• 15%-იანი ფასდაკლება ვრცელდება შეთავაზების ფარგლებში შერჩეულ 15 ბინაზე, ხოლო დარჩენილ ბინებზე 10%-იანი ფასდაკლება მოქმედებს.
• აღნიშნული შეთავაზება ძალაშია 2020 წლის 15 ოქტომბრამდე.
როგორ ახერხებს კომპანია, ფეხი აუწყოს სამშენებლო ინდუსტრიაში არსებულ გამოწვევებს?
სამშენებლო ინდუსტრია ნამდვილად დიდი გამოწვევების წინაშე გვაყენებს, თუმცა ჩვენი კომპანია ფეხდაფეხ მიჰყვება სიახლეებს, რასაც მოწმობს კორპუსის გამორჩეული და თანამედროვე დიზაინი. ის ჰარმონიულად არის შერწყმული უსაფრთხოების გეგმებთან. დაცულია როგორც სახანძრო საევაკუაციო, ასევე უსაფრთხოების სხვა ნორმები. გათვალისწინებულია წვრილმანი დეტალები, როგორიცაა ეკოლოგიურად სუფთა, ენერგოეფექტური საშენი და მოსაპირკეთებელი მასალები.
რით არის თქვენთვის საინტერესო კომპანიაში მუშაობა?
ჩემთვის აქ მუშაობა ძალიან საინტერესოა, რადგან კომპანიის ღირებულებები ჩემს ხედვებთან თანხვედრაშია. ჩვენი მთლიანი გუნდი ერთ მისიაზე ვართ ორიენტირებულნი, რომ სრულყოფილად ვემსახუროთ საკმაოდ საპასუხისმგებლო საქმიანობას.
სწორედ ამ მუხტით ვუძღვებით თითოეულ სამუშაო დღეს, რომელიც დატვირთულია, თუმცა დაღლას ვერ ვგრძნობ, რადგან წარმატებულ შედეგებზე გათვლილი გეგმის განხორციელების პროცესში, ნებისმიერი ნაბიჯი აზარტულია.
როგორია კომპანიის სამომავლო გეგმები?
მიმდინარე პროექტის გარდა, მშენებლობის კიდევ 2 ფაზა გვექნება, რომელიც მოიცავს ერთ 8-სართულიან და ორ 16-სართულიან კორპუსებს. ბინებს ექნება გაშლილი ხედი წყნეთისა და ნაფეტვრების მთებზე და ვერეს ხეობაზე. მნიშვნელოვანია, რომ ბინებიდან ხედი სამუდამოა, რადგან მიმდებარე ტერიტორიის სპეციფიკიდან გამომდინარე, კომპლექსთან ახლოს სხვა მშენებლობის დაწყება შეუძლებელია. შესაბამისად, ხედის დაფარვის საშიშროება არ არსებობს.
დაგვიკავშირდით: 2 191 191; 598 901 901; www.greenhill.ge; sales @greenhill.ge