ბექჰემების ცნობილი ოჯახი ზაფხულის ცხელ დღეებს საბერძნეთში ატარებენ. ცნობილმა დიზაინერმა სოციალურ ქსელში მორიგი კადრი გამოაქვეყნა, რომელშიც ჰარპერ ბექჰემი ბიძაშვილთან - ლიბი ადამსთან ერთად ფიგურირებს.
ერთი შეხედვით უწყინარი კადრი Daily Mail_ის გამომწერების გაღიზიანების საგნად იქცა, "ეს ყველაფერი პათეტიკურია!", "შეარგეთ ბავშვობა, ის მხოლოდ 7 წლისაა, არა 17-ის!", "სამწუხაროა, რომ დღევანდელი ბავშვების ერთადერთი საზრუნავი კამერის წინ პოზირების სწავლაა," - ეს მცირე ჩამონათვალია იმ ნეგატიური კომენტარების, რომლებიც კეკლუც კადრს მოჰყვა.