რამდენიმე დღის წინ, Cardi B-ისა და Meghan Thee Stallion-ის ერთობლივი ნამუშევრის- WAP-ის პრემიერა შედგა. კლიპმა განსაკუთრებული ყურადღება მიიქცია, რადგან მასში მონაწილეობას კიდევ ერთი ვარსკვლავი - კაილი ჯენერი იღებდა.
თუმცაღა რეაქცია ერთგვაროვანი სულაც არ აღმოჩნდა, დიდ ბრიტანეთში უამრავი ადამიანი აწერს ხელს პეტიციას, რომელიც კლიპიდან კაილი ჯენერის ეპიზოდის ამოჭრას მოითხოვს.
მიზეზი კი შემდეგია - კლიპის მიზანი შავკანიანი ქალბატონების სილამაზის ხაზგასმა იყო, თუმცაღა სიუჟეტში საკვანძო როლი კვლავ თეთრკანიანს ერგო, რამაც საზოგადოების დიდი ნაწილი გააღიზიანა.