სამეფო პროტოკოლს ბევრი წესი ახასიათებს, რომლებიც ერთი შეხედვით შესაძლოა უცნაურად მოგვეჩვენონ. აშშ-ს პროტოკოლის ყოფილმა დირექტორმა, კაპრისია მარშალმა გაიხსენა შემთხვევა, როცა დედოფალთან შეხვედრისას, ელისაბედს იმ მხარეს მიუახლოვდა, სადაც ჩანთა ეჭირა. დაცვამ გზა გადაუჭრა და გააფრთხილა: „ჩანთას არ შეეხოთ“. საქმე იმას არ ეხება თუ რა დევს ჩანთაში: „ჩვენ არ ვიცით რა არის მასში, მაგრამ ბრძანებაა არასდროს არავინ შეეხოს“.
შენიშვნა ლოგიკურია, რადგანაც სხვისი ნივთების შეხება ნებართვის გარეშე არაეთიკურია. თუმცა, ამ ქმედების ერთადერთი მიზეზი ეს არაა. როგორც სჩანს, დედოფალი ჩანთას სიგნალის სახით იყენებს. თუ ის მას იდაყვზე აქვს ჩამოკიდებული, მაშინ შეხვედრა კარგად მიდის, თუ ჩანთას დაბლა უშვებს, ესეიგი სასწრაფო წესით სურს მისი დატოვება.
"თუ დედოფალი სადილის დროს ჩანთას მაგიდაზე დადებს, ესეიგი უნდა რომ ეს შეკრება 5 წუთში დასრულდეს. თუ იატაკზე დებს, მაშინ სიტუაცია აღარ სიამოვნებს."