ჰუსეინ იბნ აბდალა იორდანიის მეფე-დედოფლის უფროსი ვაჟიშვილია. ივნისის ბოლოს მას 26 წელი შეუსრულდება. ის მამამისის შემდეგ ტახტის პირველი მემკვიდრეა. ჰუსეინის ბაბუა ცნობილი "მეფე-ჰუმანისტი" გახლდათ.
პრინცი დიდი პოპულარობით სარგებლობს სოციალურ ქსელებში და ოჯახის მიმართ დიდ სიყვარულს მუდამ ავლენს: ის მათ სურათებს საკუთარ გვერდზე ხშირად ანთავსებს.
ჰუსეინს ისტორიკოსის დიპლომი აქვს, განათლება აშშ-ში ჯორჯთაუნის უნივერსიტეტში მიიღო. მისი ინტერესი მხოლოდ მეცნიერებით არ შემოიფარგლება, პრინცმა ვერტმფრენის მართვაც იცის. მანამდე, ინგლისში პრესტიჟული სამეფო სამხედრო აკადემია დაამთავრა, რომელშიც პრინცი უილიამი და ჰარიც სწავლობდნენ.
ბრიტანელი პრინცების მსგავსად, ჰუსეინიც დიდ დროს უთმობს ქველმოქმედებას და საკუთარი ფონდი აქვს, რომელიც სმენადაქვეითებულ ბავშვებს ეხმარება. თავისუფალ დროს კი სპორტითაა დაკავებული, უპირატესობას ფეხბურთს ანიჭებს.