ყველას გვჭირდება თავშესაქცევი, რომელიც სიამოვნებას მოგვიტანს. პატარებისთვის სწორი საქმიანობის და ჰობის შერჩევაში, რომელიც შესაძლოა შემდეგ პროფესიაში გამოადგეს, ასტროლოგია დაგეხმარებათ.
ვერძი
ვერძები ბავშვობიდან მიილტვიან ყველგან პირველები იყვნენ: თამაშებში, დავალებებში, დებატებში... პატარა ვერძების ენერგია სპორტ-დარბაზში უნდა დაიცალოს. მაგალითად, ძალისმიერი სპორტის სახეობებით ან საბრძოლო ხელოვნებით.
კურო
კურო ბავშვებს არამხოლოდ ენერგიის დახარჯვა, არამედ საქმიანობისგან სიხარულის მიღება სჭირდებათ. რამდენადაც ამ ნიშანს ვენერა მართავს, შესაფერისი თავშესაქცევი სილამაზესთან, ხელოვნებასთან ან მოდასთან უნდა იყოს დაკავშირებული. კუროებს სპეციფიკური გემოვნება აქვთ: ისინი საკუთარ ნიჭს ხელოვნების სფეროებში აუცილებლად გამოავლენენ.
ტყუპები
ტყუპები პატარებისთვის დამახასიათებელია ერთდროულად ბევრი რამით გატაცება. ისინი ინტერესის დაუკარგავად გადაერთვებიან ერთი საქმიდან მეორეზე. მათ ლოგიკური თამაშები მოუხდებათ მუდმივი კომუნიკაციით. ასე განივითარებენ კომუნიკაბელურობას და ფიქრების სწორად წარმართვას ისწავლიან, რაც მათთვის კარგი ფუნდამენტი გახდება.
კირჩხიბი
კირჩხიბ ბავშვებს უხდებათ ჰობი, რომლითაც სახლის მყუდრო გარემოში დაკავდებიან. მაგალითად, კარგი იდეაა კულინარიული კურსი - ვინ იცის, იქნებ გარკვეული დროის შემდეგ თქვენმა პატარამ კულინარიული შედევრებით გაგაოცოთ.
ლომი
ლომი ბავშვებისთვის მნიშვნელოვანია, რომ მათი ტალანტი აღნიშნონ და ამაყობდნენ. მათ უყვართ შოუები და სასცენო გამოსვლები. მიეცით საშუალება სცადოს თავი სამსახიობო ხელოვნებაში. ეს მას მეტ თავდაჯერებას შესძენს და საკუთარი თავის გამოხატვის შესაძლებლობას მისცემს, ასწავლის ადაპტირებას განსხვავებულ გარემოებებთან.
ქალწული
ქალწულები ბავშვობიდან უამრავ წვრილმანზე ამახვილებენ ყურადღებას. ისინი ადვილად ხედავენ ნებისმიერი პროექტის ნაკლოვანებებს და ცდილობენ გაიგონ, როგორ შეიძლება მათი გამოსწორება. ქალწული პატარებისთვის რეკომენდირებულია ლოგიკური დავალებების შესრულება ან სპორტის ინტელექტუალური სახეობები. ასწავლეთ ჭადრაკის, შაშის თამაში ან ფაზლის აწყობა. მსგავსი თავშესაქცევის დროს ქალწული მაქსიმალურად მოახდენს საკუთარი უნარის რეალიზებას: კონცენტრირდეს დეტალებზე.
სასწორი
სასწორებს ბავშვობიდან ბევრი კონტაქტი სჭირდებათ. ამასთან მოსწონთ ყველაფერი ლამაზი. ისინი მარტივად შეარჩევენ სამოსს არამხოლოდ საკუთარი თავისთვის, არამედ ოჯახის წევრებისთვის. გემოვნებით ნამდვილად გამოირჩევიან. მიეცით საშუალება საკუთარი თავი მოდელად ან ბლოგერად გამოსცადოს.
მორიელი
მორიელებს მუდამ სჭირდებათ თავი ძლიერებად და თავდაჯერებულებად იგრძნონ. სპორტით დაკავება - მშვენიერი საშუალებაა შეამოწმონ საკუთარი ძალა. მიეცით შესაძლებლობა ყველა უნარის დემონსტრირება მოახდინოს.
მშვილდოსანი
მშვილდოსან ბავშვებს ცხენზე ჯირითი მოეწონებათ. მსგავსი თავშესაქცევი მათ სიცოცხლის ბედნიერებას განაცდევინებს და ემოციურ ჰარმონიას მიაღწევინებს. ასევე, ნურასდროს დაუშლით პატარას რაღაც ახალი სცადოს. მას ბევრ წამოწყებაში შეუძლია წარმატების მიღწევა.
თხის რქა
თხის რქა ბავშვებს დისციპლინა და დღის წესრიგის მკაცრი დაცვა გამოარჩევთ. საკუთარ გატაცებებში ისინი ეცდებიან საუკეთესო შედეგს მიაღწიონ. თავდაჯერებულობისთვის მათ წინსვლის და საკუთარი უნარების დახვეწის საშუალება უნდა მიეცეთ. ერთ-ერთი შესაფერისი ჰობი ალპინიზმია.
მერწყული
მერწყულ ბავშვებს სურთ რაღაც ორიგინალურით და უჩვეულოთი დაკავდნენ. დროსთან ერთად შესაძლოა ავიასპორტს ან პარაშუტით გადმოხტომასაც მიმართონ. მაგრამ, სანამ პატარები არიან, მიეცით საშუალება შეისწავლონ ავიაცია და ყველაფერი, რაც მასთანაა კავშირში.
თევზები
თევზები ბავშვობიდან შემოქმედებით ადამიანებად იზრდებიან. შეუძლიათ ხელოვნების სამყარო შეიყვარონ. ჩაწერეთ პატარა სიმღერაზე, მუსიკალურ წრეზე ან ხატვაზე. მსგავსი თავშესაქცევი საშუალებას მისცემთ გამოხატონ საკუთარი თავი, შეიცნონ შინაგანი სამყარო და მიიღონ სიამოვნება ახალი უნარების შეთვისებით.