მეგან მარკლის მიმართ ინტერესი ბოლო ორი წლის განმავლობაში განსაკუთრებით გაიზარდა. სანამ პრინცი ჰარი საგულდაგულოდ მალავს საკუთარ წარსულ ცხოვრებას, მისი მეუღლის გარშემო ჟურნალისტები უფრო და უფრო მეტ მასალას პოულობენ. ამჯერად, გამოცემამ The Mirror, მეგანის აქამდე უცნობი სივი გამოაქვეყნა, რომელსაც ის დაახლოებით 24 წლის ასაკში იყენებდა, „ფორს მაჟორის“ წარმატებამდე.
რეზიუმეს მიხედვით მისი სიმაღლე იმ დროისთვის 167 სანტიმეტრს შეადგენდა, წონის გრაფაში კი 51 კილოგრამი აქვს მითითებული. მარკლი თავისუფლად ფლობდა ესპანურ ენას და კარგად იცოდა ფრანგული.
ასევე, ჰერცოგინია დაკავებული იყო ბოქსით, კიკბოქსინგით და საბრძოლო ხელოვნებით. სწავლობდა ბალეტს და სტეპს.