გასული წლის მიწურულს, სილამაზისა და ესთეტიკის ცენტრ „არტ ქალაქის“ გახსნით დედაქალაქში სალონური მომსახურება სრულიად ახლებური გააზრებითა და ხარისხით მომხმარებლის წინაშე წარდგა. პროფესიული საერთაშორისო ბრენდების პროდუქციით და ულტრათანამედროვე აპარატურით, ქალაქის ცენტრში ესთეტიკის ყველაზე ვრცელი ცენტრი დაფუძნდა და თავის მოვლა განტვირთვის შეუდარებელ საშუალებად გადააქცია. „არტ ქალაქის“ დამფუძნებლებმა – ნინო სიფროშვილმა და ნიკა გოგიჩაძემ ცხოვრების მთავარ გატაცებად სილამაზისა და ესთეტიკის ინდუსტრიის უახლესი ინოვაციების დანერგვა აირჩიეს. OK! „არტ თაუნის“ ერთ-ერთ დამფუძნებელს, ნიკა გოგიჩაძეს უნიკალური ცენტრის შესახებ ესაუბრა.

როგორი იყო ნაბიჯები, რომელიც „არტ ქალაქის“ გახსნას უძღოდა?
2019 წელს, COSMOPROF WORLDWIDE BOLOGNA-ზე, მსოფლიოს წამყვან სავაჭრო ბაზარზე მონაწილეობის მიღებით, რომელიც სილამაზის ინდუსტრიის ყველა სექტორს აერთიანებს, სფეროს მოწინავე ბრენდებსა და სიახლეებს გავეცანით. ამ გარდამტეხი ნაბიჯის შემდეგ, ჩვენი გეგმის განხორციელებას უფრო მეტი შემართებით შევუდექით, მიზანი კი სილამაზისა და ესთეტიკის ინდუსტრიის უახლესი მიგნებების დანერგვაა საქართველოში, რისთვისაც ძალისხმევას არ ვიშურებთ.

რას გვთავაზობს „არტ ქალაქი“? რაშია მისი უნიკალურობის მთავარი მახასიათებლები?
„არტ ქალაქში“, სალონურ მომსახურებებთან (თმის მოვლა, მანიკიური, პედიკიური, კოსმეტოლოგია, ეპილაცია, ვიზაჟი, სოლარიუმი, ავტორუჯი, მასაჟი და სხვა) ერთად, ესთეტიკური მედიცინის სრული სპექტრი უახლესი მიგნებებითაა წარმოდგენილი. უამრავი მომსახურებისა და თანამედროვე აპარატურის არსებობას ხელს სალონის დიდი სივრცეც უწყობს. ადგილზე ძირითად სერვისებს საკუთარი კუთხე აქვს, რომელიც თავისუფლად შეიძლება ჩაითვალოს ცალკეულ სალონურ წერტილად.

„არტ ქალაქში“ ყველანაირი პირობაა შექმნილი იმისათვის, რათა მომხმარებელმა თავი განსაკუთრებულად იგრძნოს. მაღალკვალიფიციური პერსონალი უზრუნველყოფს, რომ ადამიანებმა მაღალი ხარისხის, შედეგზე ორიენტირებული მომსახურება მიიღონ.

თუმცა სერვისისთვის გამოყენებული პროდუქცია ცალკე უპირატესობაა. რამდენად რთული იყო მსოფლიოს წამყვანი ბრენდების ოფიციალური წარმომადგენლობის მოპოვება?
HYDRAFACIAL, EVA SOLARIUM, CALLEGARI, JOSELL, WELLA, GEMINA, SEB MAN PROFESSIONALS – ის დასახელებებია, რომელთა მიღმა გამორჩეული, წამყვანი ბრენდების ხარისხი დგას და „არტ თაუნს“ ზურგს უმაგრებს.

უმეტესი მათგანი COSMOPROF-ის ბაზარზე შევარჩიეთ და დიდი ხნის განმავლობაში გავტესტეთ. სხვადასხვა ბრენდთან მოლაპარაკება მარტივი პროცესი არ ყოფილა, თუმცა გადაკვეთის წერტილი საერთო ღირებულებებში ვიპოვეთ და თანამშრომლობა შედგა.

გვიამბეთ ცენტრის იმ მხარეზე, რომელიც ჯანმრთელობაზე ზრუნვასაც გულისხმობს. რის შესაძლებლობას გაძლევთ „არტ თაუნში“ არსებული თანამედროვე აპარატურა?
ესთეტიკური მშვენიერების მიღწევასთან ერთად, ცენტრის პრეროგატივას მკურნალობა და ჯანმრთელობის მდგომარეობის სრული სურათის შექმნაც წარმოადგენს. მაგალითისთვის, თუ სტუმრებს ანტიაკნე პროცედურებს ვთავაზობთ, აკნეს გამომწვევი მიზეზებიც აქვე ზუსტდება. გამოკვლეულია კანის ტიპი, თმის სტრუქტურა, ფლებოლოგიური პრობლემების მიზეზ-შედეგობრიობა თუ სხვა. იტალიიდან ექსკლუზიურად ჩამოტანილი უნიკალური აპარატი Callegari CR3000 სახის, სკალპისა და თმის დიაგნოსტირების საშუალებას, ამასთანავე, რჩევებსაც იძლევა და საჭირო პროდუქციასაც გვირჩევს.

Hydrafacial, რომელიც სახის ზედაპირულ თუ ღრმა წმენდას, პრობლემური კანის მკურნალობას, უინიექციო მეზოთერაპიას და ასევე უინიექციო ბიორევიტალიზაციას გვთავაზობს, ცენტრი ოფიციალური წარმომადგენლობის უფლებით, მომხმარებელს საოცარი შედეგების მიღწევაში ეხმარება.

გარდა ამისა, იტალიურ ბრენდ EUROSUN-ის EVA FLEXIBLE-სოლარიუმიც ჩვენი მონაპოვარია. აპარატი, რომელსაც კოლაგენის ნათურები აქვს, არა მხოლოდ ყველაზე უსაფრთხოდაა აღიარებული, არამედ სამკურნალოდაც გამოიყენება. შესაძლებელია მომხმარებელმა კანის ელასტიკურობა, დატენიანება და გაჯანსაღება ამ აპარატის მეშვეობით როგორც რუჯით, ისე რუჯის გარეშეც მიიღოს. რაც შეეხება ავტორუჯს, მუქი, მედიუმი და ე.წ. ლაითი ტონით კანის შეფერადებას აპარატი თავად უზრუნველყოფს, რაც მომხმარებელს მეტად კომფორტულ პირობებს უქმნის.

თითოეული განხრით, უახლესი აპარატურით აღვიჭურვეთ და მათი დახმარებით კომპეტენტურ დასკვნებს ვწერთ. როცა პასუხი არსებობს, მკურნალობის სწორი პროტოკოლის შედგენა გარდაუვალ სასიკეთო შედეგს გულისხმობს. აქვე ჩვენი ბრენდების სამკურნალო თუ ზოგადი მოვლის საშუალებებიც იყიდება. გთავაზობთ როგორც სახის, ასევე თმის მოვლის პროდუქციას.

თქვენი პროფესია სულ სხვა მიმართულებაა. როგორი იყო საქმიანობა პროფესიულ ამპლუაში და როგორია ახლა – სალონურ ყოველდღიურობაში?

რამდენიმე წლის განმავლობაში, ნიდერლანდებში, ჰააგას უნივერსიტეტში საქართველოსა და ევროკავშირს შორის ურთიერთობების შესახებ ლექციებს ვკითხულობდი. ვმუშაობდი გაყიდვების სფეროშიც როგორც საზღვრებს გარეთ, ისე ჩემს ქვეყანაში.

თუმცა „არტ თაუნის“ დაარსების დღიდან, და მეტიც – რაც მე და ნინოს „არტ ქალაქის“ იდეა გაგვიჩნდა, ჩემი ცხოვრება მთლიანად მოიცვა ესთეტიკის სფეროს ირგვლივ აზროვნებამ. ამჟამად, ყოველდღიურ რეჟიმში „არტ ქალაქში“ ვარ, ვცდილობ, არცერთი დღე და შესაბამისად, შესაძლებლობა არ გავუშვა, მქონდეს ურთიერთობა ჩვენს მომხმარებლებთან, ვიგებდე მათ სურვილებსა და მოსაზრებებს, რადგან თავად ვარ ის მომხმარებელი, რომელიც ხშირად სტუმრობდა სხვადასხვა სალონს და არასდროს განმიცდია სრულყოფილება, რომელსაც გონებაში წარმოვიდგენდი.

ჩვენ მიერ სალონის დაფუძნების იდეაც, სწორედ საკუთარი სურვილებისა და გემოვნების ხარისხთან სინთეზია. ვფიქრობ, როცა კი დროს გამოვნახავ, ჩემი პროფესიით განვითარებას კვლავაც განვაგრძობ. მანამდე კი გამოცდილება აქ უამრავ ასპექტში მეხმარება – იქნება ეს ბუღალტერია თუ მენეჯერული ტაქტიკები. ესთეტიკის მიმართულებით კი ვცდილობ დავეუფლო ყველა ძირითადი სერვისის მინიმუმ თეორიულ ცოდნას მაინც. თავად სულ ცოტა ხნის წინ კოლორისტიკას გავეცანი. გარდა იმისა, რომ ეს სახალისოა ჩემთვის, მაძლევს საშუალებას ვიყო მეტად ობიექტური და გათვითცნობიერებული ცენტრის სერვისებში.

როგორია გუნდი, რომელიც თქვენთან ერთად იზიარებს სალონის მთავარ ღირებულებებს?
„არტ თაუნში“ ქართველი და უცხოელი სპეციალისტებით დაკომპლექტებული გუნდი მუშაობს. საერთო ღირებულებებთან ერთად, მათ მრავალწლიანი გამოცდილებაც აერთიანებთ. ცენტრში წამყვანი სპეციალისტები ხშირად გვსტუმრობენ და მასტერკლასებს უძღვებიან. ასევე უნდა აღინიშნოს, რომ WELLA-ს ოფიციალური ტრენერი სამხრეთ კავკასიაში, ჩვენთან ყოველდღიურ რეჟიმში მუშაობს. გუნდის წევრები არაერთ გაცვლით პროგრამაში მონაწილეობენ და ეს კურსი მომავალშიც გაგრძელდება.

რასთან გსურთ, „არტ თაუნის“ სახელი ასოცირდებოდეს?
მინდა, ჩვენი სახელი „არტ ქალაქთან“ ასოცირდებოდეს. ჩვენი სურვილია, სახელწოდება მომხმარებლისთვის სანდოობასთან იგივდებოდეს და ამ ნდობით მოპოვებული რეპუტაცია კვლავ მთავარ წყაროს – „არტ თაუნს“ უკავშირდებოდეს.

რომელი მთავარი მოტივი გაძლიერებთ საქმიანობისას?
ჩვენი მოტივი, ალბათ, შედეგის პირდაპირპროპორციულია. შედეგს მაშინვე ვხედავთ და საბედნიეროდ, ამას მომხმარებლის სასიამოვნო ემოციები მოყვება – ეს ნამდვილად დიდი სტიმულია. ჩვენ ყოველ ჯერზე მიზნად მათ გაოცებას ვისახავთ.

როგორ ფიქრობთ, გახსნიდან ასეთ მცირე დროში რომელი ნიშის დამკვიდრება შეძლო „არტ თაუნმა“?
„არტ თაუნის“ გახსნის დღიდან, ვზრუნავთ იმაზე, რომ სალონში სტუმრობისას თითოეულმა ადამიანმა თავი სივრცის ნაწილად იგრძნოს. „არტ თაუნი“ ყველასია და ამას ვითავისებთ, გვინდა ეს მომხმარებელმაც იგრძნოს. ყველაფერში ადამიანური, ბუნებრივი ურთიერთობები გვეხმარება.

როგორია თქვენი ამჟამინდელი სიახლეები და სამომავლო გეგმები?
შევქმენით მომხმარებელთა ბაზა, რომელიც მათ ისტორიას ინახავს. ეს კლინიკაში ვიზიტის მსგავსი „შემნახველია“, რომელიც სტუმარს სხვადასხვა ვიზიტს შეახსენებს, ინფორმაციას მიაწოდებს ჩატარებული პროცედურებისა და შედეგების შესახებ.

ასევე, მზადდება ART TOWN ELITE CARD-ები, რომლებიც ერთგულ სტუმრებს უამრავ სასიამოვნო შეთავაზებას და სიურპრიზს ჰპირდება. დაინერგება ბონუსქულები და შესაძლებლობა ექნებათ მიიღონ მონაწილეობა ჩვენ მიერ ორგანიზებულ ღონისძიებებში.