52 წლის მსახიობი ვინსენ კასელი და 22 წლის მოდელი ტინა კუნაკი საზოგადოებაში მშობლების სტატუსით პირველად გამოჩნდნენ! ტინა კუნაკი მეუღლის საგულშემატკივროდ კანს ესტუმრა, სადაც 72-ე კანის ფესტივალი ვინსენის ახალი ფილმით The Specials-ით დაიხურება. თუმცა ამ ცერემონიამდე კიდევ ერთი კვირაა წინ, შესაბამისად წყვილი საღამოს კინოფესტივალის ფარგლებში გამართულ კინოპრემიერებს სტუმრობს, ხოლომ დღის საათებში სასტუმრო Martinez-ის ვერანდასა და კანის რესტორნებში ატარებს დროს.
შეგახსენებთ, რომ ვენსანი და ტინა სულ ცოტა ხნის წინ მშობლები გახდნენ. წყვილს ქალიშვილი 20 აპრილს შეეძინა, რომელსაც სახელად ამაზონი დაარქვა.
მიუხედავად იმისა, რომ ტინამ სულ ცოტა ხნის წინ იმშობიარა, ის როგორც ყოველთვის არაჩვეულებრივ ფორმაშია. კანის ქუჩებში სეირნობისთვის მან ფერადი მოკლე კაბა მოიხდინა, რომელსაც შავი მოსაცმელი და ამავე ფერის მაღალყელიანი ფეხსაცმელი შეუხამა.