მიუხედავად იმ გავრცელებული ჭორებისა, რომ მეგან მარკლი და პრინცი ჰარი სამეფო ოჯახის ახალი წევრის მშობლები უკვე გახდნენ და ამას საიდუმლოდ ინახავენ, ბუკინგემის სასახლემ უარყო "კონსპირაციის თეორიის" არსებობა. სამეფო ოჯახის წარმომადგენელმა CBS News განუცხადა, რომ მეგან მარკლს ჯერ კიდევ არ უმშობიარია. ბავშვის დაბადების ზუსტი თარიღი კვლავ უცნობი რჩება, რადგან მეგანმა და ჰარიმ ასე გადაწყვიტეს. თუმცაღა მთელი მსოფლიოსთვის ცნობილია, რომ სასექსის ჰერცოგინია მაისის დასაწყისში გააჩენს სამეფო ოჯახის მომავალ მემკვიდრეს.
უკანსაკნელი ინფორმაციის თანახმად სამეფო ოჯახის ახალი წევრის დაბადებას მომავალ კვირას უნდა ველოდოთ, სავარაუდოდ 9 მაისის შემდეგ. ამ ვარაუდის ერთ-მიზეზი კი პრინცი ჰარის ჰოლანდიის ვიზიტის შემოკლება გახდა. ნიდერლანდების სამეფოში სასექსის ჰერცოგი უფრო დიდი ხნით უნდა დარჩენილიყო, თუმცა სულ ცოტა ხნის წინ მან მოულოდნელად შეცვალა გეგმები და მეუღლესთან 8 მაისს დაბრუნდება.
თუმცა ბუკინგემი ამ ჭორების გაქარწყლებასაც ცდილობს, ჰარის გეგმების უეცარი ცვლილება "ლოგისტიკური კონფლიქტით" ახსნა. ვინაიდან და სწორედ ჰარის გამგზავრების პერიოდში სამეფო ოჯახის კიდევ ერთი წევრი, პრინცი ჩარლზი გერმანიაში ძალიან მნიშვნელოვან შეხვედრაზე მიემგზავრება, ჟურნალისტებისთვის რთული იქნება ორივე მოვლენის ერთდროულად გაშუქება.
შეგახსენებთ, რომ სასექსის ჰერცოგმა და ჰერცოგინიამ სამეფო ტრადიციის მრავალწლიანი ტრადიციის დაცვაზე უარი განაცხადა და ბავშვის წმინდა მერის ლონდონის საავადმყოფოში გაჩენაზე უარი თქვა, პრინცესა დაიანასა და პრინცესა ქეითისგან განსხვავებით. ოჯახის მომავალი მემკვიდრის გაჩენა წყვილის უინძორის საცხოვრებლის მახლობელ რეზიდენციაშია დაგეგმილი.