ქეთა თოფურიასა და რეპერი გუფის ურთიერთობა მათი დაშორების შემდეგ კიდევ უფრო აქტუალური გახდა და სწორედ ამ საკითხთან დაკავშირებით, სულ ცოტა ხნის წინ, საზოგადოების საკმაოდ საფუძვლიანი ეჭვი გაუჩნდა. გუფიმ ჯერ ქეთას სახლის წინ მისი სახელისა და გვარის ინიციალები დაწერა და გულში ჩასვა, იქამდე კი, მათი ერთობლივი ფოტო გამოაქვეყნა სოციალურ ქსელში.
ამასთანავე, რამდენიმე დღის წინ ფოტო ატვირთა, რომელზეც ვიდეოზარიდან ამოღებული ქეთას კადრია ასახული. თუმცა ვინაიდან და რადგანაც ფოტოს ხარისხი ძალიან კარგი არ იყო გულშემატკივრებმა ქეთას ამოცნობა დანამდვილებით ვერ მოახერხეს. მას შემდეგ კი საზოგადოება მორიგ მინიშნებას ელოდა, რომელიც რეპერის კოლეგისგან ერთ-ერთი რუსული გადაცემის ეთერში მივიღეთ!
ერთ-ერთ სახალისო გადაცემაში Comment Out, რომელშიც მოწვეულ სტუმრებს სოციალურ ქსელში სასაცილო კომენტარების დაწერა ევალებათ, მოწვეული იყო გუფის კოლეგა მომღერალი იდა გალიჩი. მოწვეული სტუმრის ერთ-ერთი დავალება სწორედ გუფის გვერდზე კომენტარის გაზიარება გახლდათ, რომელშიც მომღერალს უნდა დაეწერა: "შემიძლია მუდმივად ვუყურო სამ მოქმედებას: როგორ იწვის ცეცხლი, როგორ წვეთავს წყალი და როგორ რეცხავ შენს საცვალს ჩემს სააბაზანოში".
მაგრამ იდამ ამ კომენტარის დაწერაზე უარი თქვა, ამის მიზეზად კი ქეთა თოფურიას რეაქცია დაასახელა, რაზეც გადაცემის წამყვანმა უთხრა, რომ ქეთა და გუფის ურთიერთობა დამთავრდა, ამიტომაც ის იდას ვერაფერს ეტყვის. მომღერალმა კი ძალიან მშვიდად და თამამად უპასუხა "ერთად არიან, ისევ ერთად არიან".
რა თქმა უნდა შეიძლება მომღერალს ეხუმრა, თუმცა დაველოდოთ ქეთასა და გუფის რეაქციას!