23 აპრილს სოციალურ ქსელში ცნობილი ამერიკელი მოდელის ჯიჯი ჰადიდის დაბადების დღის მილოცვები არ წყდებოდა, ყველასათვის საყვარელი მოდელები და ცნობადი სახეები აზრიარებდნენ ჯიჯისთან ერთად გადაღებულ ფოტოებს, რომლებსაც ძალიან თბილ სიტვებს ურთავდნენ. თუმცა ჯიჯის დაბადების დღის აღნიშვნა მხოლოდ ამით არ შემოფარგლულა, საღამოს სუპერმოდელმა წვეულება გამართა, რომელსაც მისი მეგობრები, ოჯახის წევრები და საყვარელი ადამიანები დაესწრნენ.
ამერიკის შეერთებულ შტატებში ისევე როგორც მთელს მსოფლიოში, დაბადების დღეებსა და წვეულებებზე კონკრეტული თემის ანუ "დრესკოდის" არჩევა ძალიან აქტუალურია. ჯიჯი ჰადიდიც არ ჩამორჩა ამ ტენდენციას და საკუთარი 24-ე დაბადების დღეზე ჯინსის სამოსი აირჩია. წვეულების ადგილი კი ნიუ-იორკის ერთ-ერთი ძვირადღირებული რესტორანი Le Chalet-ი იყო, სადაც DJ Ty Sunderland-იყო მოწვეული, რომელმაც საღამო 90-იანი წლების პოპულარული მუსიკით გააფორმა.
სტუმრების სია ცნობილი ადამიანებისგან შედგებოდა, რომელშიც მოდელის მეგობრები ტეილორ სვიფტი, მარკ ჯეიკობსი, ჰელენა კრისტენსენი და ოლივია კულპოც მოხვდნენ. გარდა ამისა სუპერმოდელის დაბადების დღეს ჰადიდების ოჯახი სრული შემადგენლბით დაესწრო, წვეულებაზე იყვნენ ბელა, ანუარი, ალანა, იოლანდა და მუჰამედ ჰადიდები, როგორც დაბადების დღის კადრებში ჩანს მათ ერთად არაჩვეულებრივი დრო გაატარეს.
საღამოს მენიუს კი მოდელის საყვარელი საჭმელი - კარტოფილი "ფრი" და ჩიზბურგერები შეადგენდა, რომელიც დიდი რაოდენობით იყო წარმოდგენილი, რაც შეეხება სასმელს ძვირადღირებული ბარი სტუმრებს მრავალფეროვან კოქტეილებს სთავაზობდა.
დაბადების დღეზე ფოტოების გადასაღები აპარატიც იყო, რომელშიც თითქმის ყველა მოწვეულმა სტუმარმა გადაიღო სურათი და მოგვიანებით სოციალურ ქსელშიც გააზიარა.
ღამის 12 საათზე კი იუბილარს დედამ და უმცროსმა დამ დაბადების დღის ნამცხვარი გამოუტანეს, რომელიც ციფრი 24-ს ფორმის იყო.