გუშინ, ,,X ფაქტორის“ მე-4 ლაივ-კონცერტი კინო-მუსიკას მიეძღვნა და კონკურსანტებმაც არაერთი კინოფილმი გააცოცხლეს. მაყურებელმა მათ მხარი სულ 36 456-ჯერ დაუჭირა, შედეგები კი ასე გადანაწილდა : აუტსაიდერთა სიაში ია ტომაში და მარიამ შენგელია მოხვდნენ, საბოლოოდ კი პროექტი იამ დატოვა, რომელიც 2 კვირის წინ ხალხის რჩეული გახლდათ, შესანიშნავი მუსიკალური მონაცემების გარდა, გასულ კვირას კი თავი იმითაც დაგვამახსოვრა, რომ მას შეყვარებულმა ხელი პირდაპირ X ფაქტორის სცენაზე სთხოვა.

რაც შეეხება ლიდერს, ამჯერად ყველაზე მეტი ხმა (18,21%) გიორგი ფუტკარაძემ მოაგროვა, რომელმაც გუშინდელ კონცერტზე Nirvana-ს უკვდავი ჰიტი Where Did You Sleep Last Night შეასრულა, სერიალიდან - ამერიკელი ღმერთები.

AMERICAN GODS - ამერიკელი ღმერთები (გიორგი ფუტკარაძე საუნდტრეკით - Nirvana - Where Did You Sleep Last Night)

გამოშვების წელი : 2017
ჟანრი: მძაფრსიუჟეტიანი, მისტიკა, სათავგადასავლო, ფენტეზი.

რეიტინგი IMDB-ზე: 8,2

ახლადგათავისუფლებული ბრალდებული - შადოუ, მისტიკურ პიროვნებას ხვდება, რომელიც საკუთარ თავს ,,ოთხშაბათს“ ეძახის და მან იმაზე მეტი იცის შადოუს ცხოვრებასა და წარსულზე, ვიდრე ეს ერთი შეხედვით ჩანს.



SELMA - სელმა (ია ტომაში საუნდტრეკით - John Legend – Glory)

გამოშვების წელი: 2014
ჟანრი: ბიოგრაფია, დრამა, ისტორიული.
რეიტინგი IMDB-ზე: 7,5

ბიოგრაფიული ფილმი მარტინ ლუთერ კინგის შესახებ, რომელიც იბრძვის თანასწორობისთვის.

MODERN TIMES -თანამედროვე დრო (ლიკუნა თუთისანი საუნდტრეკით Nat King Cole - Smile)

გამოშვების წელი: 1936
ჟანრი: კომედია, დრამა, საოჯახო
რეიტინგი IMDB-ზე: 8,5

მაწანწალა ცხოვრების სირთულეებს თანამედროვე, ინდუსტრიულ საზოგადოებაში ეჭიდება და მას ახალგაზრდა უსახლკარო ქალი ეხმარება.

50 SHADES OF GREY - გრეის 50 ელფერი (თამთა ხუხუნაიშვილი საუნდტრეკით Beyonce- Crazy In Love)

გამოშვების წელი: 2015
ჟანრი: დრამა, რომანტიკა, თრილერი
რეიტინგი IMDB-ზე: 4,1

ლიტერატურის ისტორიის სტუდენტის ანასტასია სტილის ცხოვრება მას შემდეგ იცვლება, რაც მილიარდერ კრისტიან გრეის შეხვდება.



სერიალი - დათა თუთაშხია (გორის გოგონათა გუნდი საუნდტრეკით - ნანი ბრეგვაძე- ვარდები არ არიან)

გამოშვების წელი: 1978
ჟანრი: დრამა
რეიტინგი IMDB-ზე: 9,2

ჭაბუა ამირეჯიბის ყველაზე განთქმული რომანი, რომლის მოქმედება წარმოებს XIX საუკუნის დასასრულსა და XX საუკუნის დამდეგს საქართველოში. სიუჟეტი აგებულია მწვავე სიტუაციებზე და ეხება მრავალ ეთიკურ პრობლემას, სწორედ მის მიხედვით არის გადაღებული შესანიშნავი სერიალიც.

SPECTRE - აგენტი 007 (ანრი გუჩმანიძე საუნდტრეკით Sam Smith- Writing’s On The Wall)

გამოშვების წელი: 2015
ჟანრი: სათავგადასავლო, ტრილერი
რეიტინგი IMDB-ზე: 6,8

ჯეიმს ბონდი წარსულიდან დაშიფრულ შეტყობინებას მიიღებს, რომელიც მას საიდუმლო ორგანიზაციის მხილებაში ეხმარება.

MOANA - მოანა (მარიამ შენგელია საუნდტრეკით Auli'i Cravalho- How Far I’ll Go)

გამოშვების წელი: 2016
ჟანრი: ანიმაცია, სათავგადასავლო, კომედია.
რეიტინგი IMDB-ზე: 7,6

ანიმაცია მოგვითხრობს ახალგაზრდა გოგონას, მოანას და მისი ბედისწერის შესახებ, ნახევრად ღმერთთან, მაუისთან ერთად მოგზაურობისას ის საოცარი მოვლენების მთავარი გმირი ხდება.