,,სასოწარკვეთილი დიასახლისების“ ვარსკვლავს, ევა ლონგორიას 42 წლის ასაკში პირველი შვილი შეეძინა. 19 ივნისს მას ვაჟი გაუჩნდა.
პატარა ლოს ანჯელესის საავადმყოფოში გაჩნდა და მისი სახელია -სანტიაგო ენრიკე ბასტონი. ,,ჩვენ ძალიან მადლიერები ვართ ამ საჩუქრისთვის“ - თქვა ევამ.

გულშემატკივრებს მსახიობი მთელი ფეხმძიმობის მანძილზე ანებივრებდა ფოტოებითა და პოსტებით სოციალურ ქსელში.
ევა და მისი მეუღლე ხოსე ბასტონი 2016 წელს, მექსიკაში დაქორწინდნენ და 2 წლის თავზე მათ სანტიაგო შეეძინათ.

,,მე ყველაზე იღბლიანი ქალი ვარ, რომ ხოსე ჩემი ქმარია! მინდა კიდევ 50 და მეტი წელი ასე ბედნიერად გავატაროთ“!“- წერდა ევა 2 წლის იუბილეზე და მეუღლეს ულოცავდა.

ევასთვის ეს პირველი, ხოლო 49 წლის ხოსესთვის მეოთხე შვილია. მისი სამივე შვილი, ყოფილ მეუღლესთან ნატალია ესპერონთან ერთად ცხოვრობს.