იქს-ფაქტორის მე-3 ლაივ-ტური გუშინ შედგა, რომელმაც მაყურებელს თავი მორიგი შოუთი დაამახსოვრა. აქ მრავლად იყო დაუვიწყარი სანახაობა, ქორეოგრაფიული თუ მუსიკალური ნომრების გამორჩეულობა ,,იქს ფაქტორის“ სცენას ამშვენებდა, რომელზეც ხელის თხოვნაც კი შედგა!

გასული, Queen-ის ტურის SMS ლიდერს, ხალხის რჩეულ მომღერალ ია ტომაშს, ხელი შეყვარებულმა - დემე მიქელაძემ მოულოდნელად სთხოვა.

ახალმა შოუმ კი ლიდერობა ამჯერად გიორგი ფუტკარაძეს (19%) მოუტანა, რომელმაც დუეტების ტურში ნომერი ,,საქართველოს ვარსკვლავის“ გამარჯვებულ, ლუკა ზაქარიაძესთან ერთად შეასრულა და ჟიურის მოწონებაც დაიმსახურა.

აუთსაიდერებად კი ალექს კიკვიძე და ანრი გუჩმანიძე დასახელდნენ, პროექტი ალექსმა დატოვა.

,,იქს ფაქტორი“ ამჯერადაც რეზონანსული აღმოჩნდა და მაყურებელმა ფავორიტს 31 210 -ჯერ დაუჭირა მხარი!