ია ტომაში - გოგონა ქუთაისიდან, რომლის საოცარი ვოკალური მონაცემები X ფაქტორის სცენაზე გამოჩენისთანავე სამახსოვრო გახდა, მისი გამორჩეული იმიჯი და საშემსრულებლო მანერა გასულ კვირას კიდევ უფრო დაფასდა, რადგან ის მეგაშოუს SMS ლიდერი, ხალხის რჩეული გახდა, მაშინ როცა წინა კვირას ის აუტსაიდერი გახლდათ.
თუმცა მაშინ ია ჟიურის გადაწყვეტილებით პროექტში დარჩა და ,,იქს ფაქტორში" გზას აგრძელებს, მიზანიც ბევრია და გულშემატკივარიც, ერთ-ერთი მთავარი კი მისი მეორე ნახევარი- დემე მიქელაძე. ია ტომაში OK!-სთან ექსკლუზიურ ინტერვიუში:
პირველი შეხება მუსიკასთან.
-საბავშვო ბაღში და ჩემი პირველი სიმღერა იყო “ჩიორა ჩიტო”.
პირველი მუსიკალური წარმატება.
-თუ ფურცლებს, ფულად პრიზს და ჯილდოებს არ ჩავთვლით ჩემი პირველი წარმატება იყო დედას სიხარულის ცრემლი “ეტიუდების საღამოზე” ქუთაისის პირველ სამუსიკო სკოლაში.
როგორია შეყვარებული ადამიანი შემოქმედებასთან სინთეზში?
-გამოგიტყდებით, სანამ გულგატეხილი და მარტოსული დავდიოდი უფრო მეტი ფანტაზია და მუზა მქონდა. ალბათ ამიტომაც თვლიან ხელოვან ადამიანებს გიჟებად და რთულად შესაგუებლებად. სამაგიეროდ ახლა უფრო ნაყოფიერი ვარ და ცივი გონებით შემიძლია საკუთარი კარიერის მართვა რაშიც დემეც მეხმარება და მე ჩემი სიყვარულის ერთგულება ვარჩიე.
შენი შეყვარებული-როგორც გულშემატკივარი?
-გიჟი ბიჭია. ყველაფერი შეუძლია თუ გულით თხოვ, ცეკვის გარდა.
როგორია თქვენი ისტორია?
-ერთი ჩვეულებრივი შეყვარებული წყვილი ვართ. სამწუხაროდ არ ვყვები ხოლმე პირადულ ისტორიებს..
მოლოდინი და რეალობა იქს ფაქტორში(როგორი იყო გზა აუთსაიდერობიდან ლიდერობამდე)?
-შოკირებული ვიყავი. ვერც მივხვდი ჩემი სახელი რატომ გამოაცხადეს. ლიდერობა ესეთ მეგა პროექტში მიმაჩნდა მიუწვდომლად და ძალიან ბედნიერი ვიყავი. თავს არ ვზოგავ, რომ ერთ კვირაში მაქსიმუმი მოვამზადო და გამოვიტანო სცენაზე, ვფიქრობ გაოიღებს ჩემი შრომა შედეგს.
საბოლოო მიზანი პროექტსა და ცხოვრებაში?
-პროექტში რათქმაუნდა ყველა მოგებისთვის მოვედით, მაგრამ ცხოვრებისეულ მიზანს, თან საბოლოოს ვერასდროს მოვიფიქრებ. ძალიან ბევრი მიზანი, ოცნება და სურვილი მაქვს და ყოველ ახალ ეტაპზე უფრო და უფრო მემატება.
დღეს, 18 ივნისს, 22:00 საათზე, ტელეკომპანია იმედის ეთერში, ,,იქს ფაქტორში" დუეტების ტური იწყება, სადაც ია, პროექტ ,,საქართველოს ვარსკვლავის" ფინალისტ, მომღერალ მარიკო ლეჟავასთან ერთად იმღერებს.
