14 ივნისი ექსცენტრიკული მილიარდერის დაბადების დღეა! თვალი გადავავლოთ ამერიკის პრეზიდენტის გამორჩეულ და ყველაზე დასამახსოვრებელ ციტატებს, რომელიც სხვადასხვა ასპექტს შეეხება.

ბიზნესი

ბიზნესისთვის თითოეული დოლარი და ცენტიც კი მნიშვნელოვანია. ამას უმნიშვნელოს ეძახით? კარგით, იფიქრეთ ასე. მე კი ყოველთვის გამოვძებნი დროს, რომ შევადარო ფასები, მნიშვნელობა არ აქვს - ვყიდულობ მანქანას თუ კბილის ჯაგრისს.







არაფერია ისეთი დანაშაული ფინანსური სარგებელის მხრივ, როგორიც ის, რომ მოგაფიქრდეს კარგი იდეა და თავი არ შეიწუხო, არ მოახდინო მისი რეალიზება.

არასდროს აიღოთ შვებულება. რისთვის გჭირდებათ ის? თუ სამუშაოს თქვენთვის სიამოვნება არ მოაქვს, ეს ნიშნავს, რომ სწორ ადგილას არ მუშაობთ. მე მაგალითად, გოლფის თამაშისასაც კი, ბიზნესის კეთებას განვაგრძობ.

არასოდეს დაიდოთ ვალი, იმისთვის, რომ ,,ცხოვრება შეირგოთ“, კრედიტი გამართლებულია მხოლოდ მაშინ, თუ საქმიან პროექტებს მოხმარდება და სარგებელს მოგიტანთ.

წარმატება

თუ გინდათ, რომ წარმატებას მიაღწიოთ, მსოფლიო მოსახლეობის 98 პროცენტს უნდა გაემიჯნოთ. ჭკუა, შრომისმოყვარეობა და კარგად მოფიქრებული ინვესტიცია არაფერ შუაშია, თუ დანარჩენ 2 პროცენტში ყოფნა გინდათ, უნდა ისწავლოთ, როგორ გაუმკლავდეთ გადაუჭრელ პრობლემებს ერთი შეხედვით.

თქვენ თავად კარნახობთ ხალხს, რა იფიქრონ თქვენზე. თქვენი დამოკიდებულება საკუთარი თავის მიმართ ყველასთვის თვალხილულია. ისე მოიქეცით, რომ ყველამ გაიგოს - თქვენ ძვირად ფასობთ. ასე ხალხი აუცილებლად დაგაფასებთ.


წარმატების მიღწევის მთავარი პირობაა - გიყვარდეთ, რასაც აკეთებთ.

საკუთარი თავის რწმენა

თუ ეჭვი გაგიჩნდათ, უბრალოდ გჯეროდეთ საკუთარი თავის და ჩათვალეთ, რომ აუცილებლად გაიმარჯვებთ. თქვენს ნაცვლად ამას არავინ გააკეთებს. გამოიმუშავეთ თავდაჯერებულობა და არ ელოდოთ სხვებს, რომ გაგამხნევოთ და მოტივაცია მოგცეთ, არც მათ აზრებს უნდა დაეყრდნოთ.

წარუმატებლობას შეუძლია გაგაქროთ, ან კიდევ უფრო ძლიერ ადამიანად გაქციოთ. მჯერა გამონათქვამის ,,რაც არ გვკლავს, გვაძლიერებს“. უდიდეს პატივისცემას იმსახურებენ ის ადამიანები, რომლებიც წარუმატებლობას იტანენ, მაგრამ თამაშს უბრუნდებიან.

გარდერობი

ყოველთვის გახსოვდეთ ერთი უბრალო წესი: ჩაიცვით იმ სამსახურის შესაბამისად, რომელზეც ოცნებობთ და არა იმისთვის, სადაც ახლა მუშაობთ.

ხშირად ჩაიხედეთ სარკეში: უნდა ამაყობდეთ ანარეკლით. თუ მოუწესრიგებლად გამოიყურებით, თქვენი საქმეებიც ასე იქნება.

ბავშვები

კარგი გადაწვეტილებაა მოაგროვოთ ფინანსები ბავშვის განათლებისთვის, მისი დაბადების პირველივე დღიდან, ან კიდე უფრო ადრეც. კარგი განაღლება დიდი ფული ღირს, თუმცა ეს თქვენი შთამომავლობის კარგი მომავლის გარანტიაა.

არ დატვირთოთ თქვენი შვილები დაუმსახურებელი სიმდიდრით: ეს პარალიზებას იწვევს და მათ ცხოვრებაში წარმატებისკენ მიმავალ გზას უხერგავს.

ღალატი

ცხოვრებამ მნიშვნელოვანი გაკვეთილი მასწავლა: მან, ვინც ერთხელ მაინც მიღალატა, რთულ მომენტში ამას ისევ გააკეთებს.

ადრე ვამბობდი ,,იპოვეთ საუკეთესო და ენდეთ მათ“. წლებთან ერთად მე დავინახე უამრავი მაქინაცია და ახლა ვამბობ: ,, იპოვე საუკეთესო და არ ენდო მათ, თუნდაც იმიტომ, რომ თუ ყველაფერს თავს კარგად ვერ გაართმევთ, ისინი არ დაგინდობენ.


ჩვენ უბრალოდ ვჩანვართ ცივილურები. რეალურად, სამყარო სასტიკია და ხალხი შეუბრალებელი. შეუძლიათ გაგიღიმონ, თუმცა ამ ღიმილის მიღმა ბოროტება იმალება. ჯუნგლებში მტაცებლები გადარჩენისთვის კლავენ, ადამიანები კი ამას გასართობად აკეთებენ. მეგობრებიც კი მზად არიან ზურგში დანა ჩაგარტყან, რომ წაგართვან სახლი, ფული, ცოლი და თქვენი ძაღლიც.

ცხოვრება

გამდიდრების ერთადერთი საშუალება რეალიზმი და პატიოსნებაა.
თქვენ უნდა ჩამოშორდეთ ილუზიის სამყაროს, რომელიც ტელევიზორსა და ჟურნალებში არსებობს. უნდა გაიაზროთ, რომ ყველაფერი არც ისე მარტივია, როგორც გარწმუნებენ. ცხოვრება- მკაცრი რამაა, ხალხი აქ დიდ ტრავმებს იღებს. თუ მოგება გინდათ, ქვასავით ძლიერი უნდა იყოთ და მუხლჩაუხრელად უნდა იშრომოთ.

სირთულე თავს ყველას ატყდება. კრიტიკულ სიტუაციებში თქვენ ისეთად წარმოჩინდებით, როგორიც რეალურად ხართ. იქეცით ისეთ ადამიანად, რომელსაც ეუძლია რთული პრობლემების გადაწყვეტა - ხალხი კი ამაში დიდ ფულს გადაგიხდით.