ტელეკომპანია ,,რუსთავი 2"-ის ეთერში, გუშინწინ, გვიან საღამოს ახალი ქართული მუსიკალური პროექტის- ,,მხოლოდ ქართულის" გრანდიოზული ფინალი შედგა. სრულიად ახლებური კონცეფციის, მხოლოდ ქართულ სიმღერაზე დაფუძნებული შოუს გამარჯვებული, მრავალი ტელემაყურებლისა და მათ შორის ჟიურის ერთ-ერთი მთავარი ფავორიტი სოფო ბათილაშვილი გახდა.
ფინალში 4 მონაწილე საბოლოო გადაწყვეტილებას ელოდა, ადგილები კი ასე განაწილდა:
1. სოფო ბათილაშვილი
2. საბა კემულარია
3. ალექსანდრე მრელაშვილი
4. კოსტა კარანაძე
ფინალი ძალიან რეზონანსული აღმოჩნდა, სოციალურ ქსელში მას უამრავი მომხმარებელი გამოეხმაურა. გამოთქვამდნენ საკუთარ აზრს, გამარჯვებას ულოცავდნენ ფავორიტს და სხვა. თუმცა ერთგვარი საპროტესტო ტალღა შეუქცევადი მას შემდეგ გახდა, რაც საზოგადოებამ მეორე ადგილზე გასული საბა კემულარიას უპრიზოდ დატოვება არ მოიწონა. საბას მხოლოდ ,,ისი პარის" 1000-ლარიანი ვაუჩერი ერგო. სხვა მონაწილეებისგან განსხვავებით, რომლებმაც სხვადასხვა კომპანიებისგან სამახსოვრო საჩუქრები მიიღეს, საბას წილად მხოლოდ აღნიშნული პრიზი ხვდა.
ქსელში დღესაც არ წყდება კომენტარების რაოდენობა, რომელიც ფაქტს ეხმაურება და უსამართლოს უწოდებს.
კომენტარი თავად საბამაც გააკეთა და სოციალურ ქსელში დაწერა: ,,ძალიან დიდი მადლობა! ყველანაირ შეურაცხყოფას აგატანინებს ის სიყვარული და მხარდაჭერა რაც თქვენგან მოდიოდა! დიდი მადლობა!"