გუშინ, მეგაშოუ ,,X ფაქტორის“ მორიგი წარმატებული ლაივი შედგა. 31 742-მა მაყურებელმა საკუთარ ფავორიტს მხარი დაუჭირა და გვერდით დგომა ზარებით გამოხატა. მათი გადაწყვეტილებით, მეორე ლაივ-შოუს (Queen-ის ლეგენდარული მუსიკალური ტურის) ლიდერი ია ტომაში გახდა!
იამ Queen-ის ჰიტი Somebody To Love შეასრულა, რითაც შემოსული ხმების ყველაზე მეტი რაოდენობა დაიმსახურა.
აუთსაიდერები თამუნა გიორგაძე (სიმღერით The Great Pretender) და ალექს კიკვიძე (სიმღერით-Fat Bottomed Girls) გახდნენ, საბოლოოდ კი ჟიურის გადაწყვეტილებით, პროექტი თამუნამ დატოვა.
მეგაშოუს გრანდიოზულ ფინალამდე სულ უფრო ცოტა დრო რჩება, მაყურებელს წინ კიდევ 3 ლაივი ელოდება, მეოთხე შოუზე კი, 9 ივლისს X ფაქტორი 2018 გამოვლინდება!