კეინი ვესტმა 41 წლის იუბილე აღნიშნა, კარდაშიანებმა დღესასწაული თავიანთ სტილში გადაიხადეს.

სოციალურ ქსელში წვეულების უამრავი დეტალი გასაჯაროვდა. კიმმა მისი და კეინის შვილების უსაყვარლესი ფოტო გააზიარა, სადაც სამივე ბავშვთან - ჩიკაგოსთან, სენტთან და ნორსთან ერთადაა გადაღებული, პოსტზე კარდაშიანმა წარწერაც გააკეთა ,,Welcome to the good life” - რაც კეინის სიმღერის ტექსტიდან ციტატაა.

დაბადების დღეზე ყველაფერი კეინის სახელს ატარებდა, აქ რეპერის გამოსახულებით ორცხობილებიც კი დაამზადებინეს.

მას შემდეგ რაც ბავშვებმა დაიძინეს, კეინის წვეულება დაიწყო. კიმმა დებთან ერთად ფოტოები გადაიღო, სანამ მისი მეუღლე Pusha T-სა და Kid Cudi-სთან ერთად პოზირებდა.

ყველა სასუსნავზე კეინის თემატიკა გამოსახეს, ყავა ლატეს ქაფზეც კი მისი სახე შოკოლადით მოხატეს. ორცხობილებზე კი სახის სხვადასხვა გამომეტყველებებიც გადაიტანეს.

დაბადების დღის ტორტი, მის უახლეს ალბომს ,, Ye“-ს გამოხატავდა.

წვეულებამდე ცოტა ხნით ადრე, კიმმა ინტერვიუში აღნიშნა: ,,ვგეგმავ, სუფრა სახლში გავაწყოთ. მცირე ზომის წვეულება ახლო მეგობრების წრეში იქნება”.