უახლესი, მე-8 ალბომის ,,Ye”-ის გამოშვების აღსანიშნად, ვაიომინგში გამართული ექსტრავაგანტული (სხვაგვარად კეინისთან არ ხდება) საღამოს დასრულების შემდეგ რეპერმა მოდური სვლა გააკეთა და თემატური სამოსი წარადგინა, რამაც მას სულ რაღაც 30 წუთში ნახევარი მილიონი დოლარის მოგება მოუტანა.

თავდაპირველად, ხმა გავრცელდა, რომ კოლექცია ხელმისაწვდომი მხოლოდ საღამოს სტუმრებისთვის იქნებოდა, მაგრამ ის ონლაინაც გამოჩნდა.

ე.წ ჰუდებზე თოვლიანი პეიზაჟები და წარწერებია დატანილი. რაც შეეხება ალბომის ქავერს, კეინის მეუღლის, კიმ კარდაშიანის თქმით, რეპერმა ფოტო პრეზენტაციამდე სულ ცოტა ხნით ადრე გადაიღო.