გუშინ, 4 ივნისს, მეგაშოუ ,,იქს ფაქტორის" 2018 წლის სეზონის პირველი ლაივ კონცერტი შედგა, სადაც 10-მა მონაწილემ მაყურებლის წინაშე რეპერტუარი შეასრულა. რეკორდულად მაღალი მაჩვენებელი - 29 333 ხმა კი აუდიტორიისგან ემოციური პასუხი აღმოჩნდა.
ხმების უმრავლესობა მარიამ შენგელიამ (14.61% ) მოიპოვა, რომელმაც David Guetta & Sia-ს სიმღერა She wolf შეასრულა.
რაც შეეხება აუთსაიდერებს, ია ტომაშმა და Funky House-მა ყველაზე ნაკლები ხმა დააგროვეს, პროექტი კი ამ უკანასკნელმა დატოვა.
გუშინდელი დღე გამორჩეული განახლებული დეტალითაც იყო, ,,X ფაქტორში" ახალი თანაწამყვანები: ვახო, გია ჯაჯანიძე, ლიკა ქორქია, დუტა და გიგო გამოჩნდნენ და მხიარულ ვანიკოსა და რუსკას შეუერთდნენ.
ანრი ჯოხაძე საკუთარ რჩეულებთან: ანრი ბუჩმანიძესა და თამუნა გიორგაძესთან ერთად პროექტში, ლაივ კონცერტზე ჟიურის წევრის ამპლუაში დააბრუნა.
ამ ორმა მონაწილემ საზოგადოებისგან დიდი გამოხმაურება და დადებითი შეფასებები დაიმსახურა, რაზეც ,,იქს ფაქტორის" ოფიციალურ გვერდზე მომხმარებელთა ძლიერი აქტიურობა მეტყველებს.