სინდი კროუფორდმა და რენდი გერბერმა ქორწინების 20 წელი, ,,ფაიფურის ქორწინება“ აღნიშნეს და სოციალურ ქსელში ერთმანეთს ძალიან თბილი პოსტი მიუძღვნეს. სინდიმ ცერემონიის ძველი ფოტო ინსტაგრამზე გამოაქვეყნა და დააწერა: ,,20 წლის წინ, გზა საკურთხევლამდე. ცხოვრებაში მე უკეთეს მამაკაცზე არჩევანს ვერ გავაკეთებდი. მიყვარხარ“.
რენდიმ კი ასეთი ფოტო გამოქვეყნა, წარწერით : ,,დღეს, 20 წლის წინ. 2 არაჩვეულებრივი შვილი და ეს ულამაზესი გოგონა. მადლობას გიხდი ჩვენი ცხოვრებისთვის“.
ისინი ერთმანეთს გაცილებით ადრეც იცნობდნენ. მათი პირველი შეხვედრა 30 წლის წინ შედგა, სარეკლამო გადაღებებისას. იმ პერიოდში რენდის სამოდელო კარიერით დაინტერესებული იყო. მაშინ ისინი მხოლოდ მეგობრებად დარჩნენ. 90-იანი წლების შუაში კი, მაშინ, როცა სინდი რიჩარდ გირს დაშორდა, და გერბერმა, რომელიც სარეკლამო ბიზნესში ჩართული იყო, გადაწყვიტა სიტუაცია გამოეყენებინა.
ამან გაამართლა. ,,ვნება მოდის და მიდის, მაგრამ თუ ადამიანთან ერთად მართლა კარგად ხარ, მაშინ იდეალური ურთიერთობისთვის მთავარი ბაზა არსებობს“ - თქვა მოგვიანებით სინდი კროუფორდმა.
დაქორწინების შესახებ იდეა სწორედ სინდი კროუფორდს გაუჩნდა და რენდის იდეა თავად შესთავაზა.
ცერემონია 1998 წლის 29 მაისს შედგა, ჰავაის სანაპიროზე. 1 წლის შემდეგ, მათ ვაჟი - პრესლი შეეძინათ, 2 წლის შემდეგ კი ყველასთვის ასევე კარგად ნაცნობი ქალიშვილი - კაია.
დღეს, ეს ოჯახი ჰარმონიული ურთიერთობების და წარმატებული ბრენდის სიმბოლოა.