მოკლე თუ გრძელი ფრჩხილი? დაუჯერებლად ლამაზი ნახატებით თუ მინიმალისტური დიზაინით? ჩვეულებრივი ლაქი თუ შილაკი? პასუხს მოდა სცემს! რომელსაც 2018 წლის ჩვენებები გვკარნახობს.
5. არტ-მინიმალიზმი
მანიკურის ზოგიერთი სპეციალისტი აშკარად იღებს შთაგონებას მინიმალისტი მხატვრებისგან. მცირე ზომის წერტილები, გულის ფორმები ან ზოლები ერთადერთ თითზე - მათი არჩევანია. ეს მიმზიდველი დიზაინია, განსაკუთრებით მათთვის ვინც მკაცრ საოფისე დრეს-კოდს იცავს.
4. ,,ფრენჩის“ ვარიაციები
კლასიკური ,,ფრენჩი“ ან მთვარისებრი მანიკური პოდიუმზე არ შეუნიშნავთ, თუმცა გამოიკვეთა მათი მრავალმხრივი ვარიაცია. მოდელებს თამამი ფერის ლაქით ფრჩხილის დაბოლოებები მოუხატეს. ასეთი მანიკურის შექმნა სტიკერებითაც არის შესაძლებელი, რომელსაც ბევრი ბრენდი უშვებს.
3. ნეილ-არტი
ბევრჯერ აღნიშნულა, რომ გრძელი და მოხატული ფრჩხილების დრო დასრულდა, თუმცა ფაქტია, რომ მოდა ყოველთვის ბრუნდება. ასე დაბრუნდა ფრჩხილების აგრესიული დიზაინის მოდაც.
2. ,,საღამოს მანიკური“
ამ ზაფხულს უამრავი ფესტივალი და საღამო გველოდება, სადაც ლამაზი და არაორდინალური მანიკური ყურადღებას მიიქცევს.
ერთ-ერთი ასეთი ვარიანტი ბრჭყვიალა მანიკურია, მისი წასმა ძალიან მარტივია! შეგიძლიათ მცირე ნეილ-არტიც დაიხმაროთ.
1. ყვავილები და ტატუები
დღეს მანიკური ხელების მოვლის ერთადერთი გამოვლინება არ არის. ,,გადასაყვანი“ ტატუები და სხვადასხვა დეტალი უკვე მერამდენე ზაფხულია, აქტუალობას არ კარგავს. ეს ჰიპური სტილია, რომელიც გამოგარჩევთ.
სეზონის ინოვაცია კი გამხმარი ყვავილებით შექმნილი მანიკურია. ეკოლოგიური და არა-ჩვეულებრივი მიგნება.
ყვავილები შეგიძლიათ ფრჩხილის ზედაპირზე მიიკრათ და უფერო ლაქით დაფაროთ. ასევე სურვილისამებრ, გააფორმეთ საკუთარი ხელები, როგორც ეს Rodarte- ის ჩვენებაში ვიხილეთ.