უცხოური მედია სანდო წყაროზე დაყრდნობით აცხადებს, რომ დიანა კრუგერი მალე პირველად გახდება დედა! ის და მისი შეყვარებული The Walking Dead-ის ვარსკვლავი ნორმან რიდასი შვილს ელოდებიან. ჯერჯერობით სიახლე წყვილს ოფიციალურად არ დაუდასტურებია.

ერთ-ერთი გამოცემა თვის დასაწყისში კრუგერის შესაძლო ორსულობის შესახებ წერდა, ღონისძიებებზე ის ალკოჰოლისგან თავს იკავებდა, ასევე წითელ ხალიჩაზე გამოჩენისას მომდგარ ტანსაცმელზეც უარი თქვა.

41 წლის კრუგერი და 49 წლის რიდასი ერთმანეთს Sky -ის გადაღებებზე 2015 წელს შეხვდნენ. მათი შესაძლო რომანის შესახებ ჭორები 2017 წლის თებერვალში გაჩნდა, როცა მსახიობმა ჯოშუა ჯექსონთან 10-წლიანი ურთიერთობა 2016 წლის ივლისში დაასრულა.

წყვილი იანვარში Golden Globes-ზე წითელ ხალიჩაზე ოფიციალურად წარსდგა. ამას გარდა, ისინი არაერთ შეკრებაზე შენიშნეს ერთად.

კრუგერს ქორწინება არ სურს, მაგრამ დედობისთვის მზად არის: ,,ქორწინება ჩემთვის არ არის. მაგრამ, ნამდვილად მინდა მყავდეს შვილები“ - თქვა დიანამ 2011 წელს ინტერვიუში.