კაილი მინოუგმა, რომელმაც 50 წლის იუბილე აღნიშნა, ახალი რომანი დაადასტურა. ,,იუბილარი გოგონა“ - წააწერა ინსტაგრამ-პოსტს მომღერალმა და რომანტიკული ფოტო გამოაქვეყნა, სადაც ის მამაკაცს კოცნის, რომლის სახეც არ ჩანს. ზუსტად იგივე ფოტო და პოსტი პოლ სოლომონსის პროფილშიც გამოჩნდა, ის ერთ-ერთი ბრიტანული გამოცემის კრეატიული დირექტორია. ფაქტია, რომ მამაკაცი, რომელსაც კაილი კოცნის თავად არის.

ჭორები იმის შესახებ, რომ ისინი ერთმანეთს ხვდებიან , ჯერ კიდევ აპრილის თვეში გაჩნდა. როგორც ტაბლოიდები აცხადებენ, წყვილს რომანი თებერვლიდან აქვს, მათ ერთმანეთი საერთო მეგობრების საშუალებით გაიცნეს, აქამდე კაილი ურთიერთობის გასაჯაროებას და ამით გასერიოზულებას ერიდებოდა.

,,კაილი ბედნიერებას ეძებს. ის ცხოვრებით ტკბება, დროს პოლთან ერთად ატარებს, თუმცა არ ჩქარობს რომ ამ ურთიერთობას რომანი უწოდოს. ყველასთვის ცნობილია, როგორი მძიმე იყო მისთვის ბოლო რომანი“ - წერს Daily Mail და ჯოშუა სასთან დაშორებას გულისხმობს.

• რა არის ცნობილი პოლ სოლომონსის შესახებ:

• ის 43-44 წლის არის, სწავლობდა გრაფიკულ დიზაინზე, დიდი ხანია მედიაში მუშაობს. რაც შეეხება პირად ცხოვრებას, პოლს ლანა დელ რეისთან, ბელა ჰადიდთან და კარა დელევინთან რომანს მიაწერენ. ამჟამინდელ სასიყვარულო ურთიერთობას კაილისთან ის აღნიშნული პოსტის გამოქვეყნების გარდა, საჯაროდ არ აღიარებს.
•