"მედიის დედოფალი" ასე უწოდებენ ოპრა უინფრის ჰოლივუდში. ამერიკაში იშვიათად თუ ნახავთ მილენიალს, რომელიც სკოლის შემდეგ, საშინაო დავალებების დაწყებამდე "ოპრა უინფრის შოუს" არ უყურებს. ცნობილ ტელეწამყვანს გასაოცარი კარიერა აქვს და მისი ცხოვრება საინტერესო ფაქტებითაც გამოირჩევა. ოპრამ შეძლო მილიონობით ადამიანის შთაგონების წყარო გამხდარიყო და გადაცემით 47 "ემის" ჯილდოც მოიპოვა.
ოპრა, სხვების შთაგონებით მილიარდელი გახდა და სხვების დახმარებას თავს მთელი ცხოვრება უძღვნიდა. მისისიპიში დაბადებულმა გოგონამ მამაკაცებისგან სექსუალური ძალადობა რამდენჯერმე გამოსცადა. მაგრამ მრისხანე ბავშვობა, ბუმბერაზ მოზრდილობაში გადაიზარდა: მაღალ კლასებშივე გამოჩნდა მისი საოცარი ტალანტი სიტყვის წარმოთქმისას. ორატორების შეჯიბრში გამარჯვების შემდეგ, ტენესის უნივერსიტეტის სრული დაფინანსება მოიპოვა და მედიაში მოღვაწეობას შეუდგა. ცოტა ხნის წინ, "ოქროს გლობუსის" დაჯილდოებაზე, ოპრამ საკუთარი სიტყვით მთელი დარბაზი და მთელი მსოფლიო მოაჯადოვა.
#1 უინფრის სახელი ბიბლიური პერსონაჟის მიხედვით ეწოდა: Orpah, თუმცა ადამიანებს ხშირად ეშლებოდათ და ასოებს "პ"-ს და "რ"-ს დროსთან ერთად, ადგილი შეეცვალა.
#2 17 წლის ასაკში ოპრამ შავკანიანთა სილამაზის კონკურსი "მის ტენესი" მოიგო.
#3 ოპრას ოჯახი იმდენად ღარიბი იყო, რომ ბავშვობაში გოგონა სკოლაში კარტოფილის ტომრებისგან შეკერილი კაბით დადიოდა.
#4 ოპრამ ინტერვიუ უამრავ ვარსკვლავთან ჩაწერა, მათ შორის მაიკლ ჯექსონთან, რომელიც ამერიკის ტელევიზიის ისტორიაში რიგით მეოთხე ყველაზე ნახვადი ინტერვიუ გახდა. (36 მილიონი მაყურებლით)
#5 ოპრა თავის წარმატებას ბებიას ემადლიერება, რომელმაც მისცა გამბედაობა დიდი აუდიტორიის წინაშე ესაუბრა, სწორედ მან მიანიჭა დამოუკიდებლობის შეგრძნება ჯერ კიდევ ახალგაზრდა ასაკში.
#6 სტივენ სპილბერგის ფილმში The Color Purple, უინფრი მეორეხარისხოვანი როლის საუკეთესო შესრულებისთვის ნომინირებული იყო "ოსკარზე".
#7 ოპრა უინფრი პირველი შავკანიანი ქალია, რომელიც მილიარდელი გახდა და აფრო-ამერიკელ ქალბატონებს შორის ყველაზე მდიდარია.
#8 2013 წელს, ოპრა უინფრი ბარაკ ობამამ საპრეზიდენტო მედალით დააჯილდოვა.
#9 როცა კითხეს თუ როგორ ემზადებოდა ინტერვიუებისთვის, ოპრამ უპასუხა, რომ კითხვებს არასდროს ამზადებს: "მე უბრალოდ საუბარს ვმართავ."
#10 ოპრა 32 წელია რაც სტედმენ გრეჰემზეა დაქორწინებული და 5 ძაღლი ჰყავს.
